Ən çox səs toplayan yeni qadın deputatlar kimdir? – SİYAHI
Fevralın 9-da Milli Məclisə keçirilən növbədənkənar seçkilərin ilkin nəticələrinə görə 22 qadın namizəd seçki dairələrində lider olub.
Onlardan ən gənci – Səbinə Xasayeva (26 yaş), ən böyüyü isə – Aqiyə Naxçıvanlıdır (69 yaş).
Milli Məclisin əvvəlki tərkibində 21 qadın deputata təmsil olunurdu. Bunlardan aşağıdakılar yenidən seçilib:
Ülviyyə Həmzəyeva - 37 yaş
Ülviyyə Ağayeva - 41 yaş
Pərvin Kərimzadə - 44 yaş
Qənirə Paşayeva - 44 yaş
Sevinc Fətəliyeva - 40 yaş
Sevinc Hüseynova - 50 yaş
Kamilə Əliyeva - 52 yaş
Jalə Əliyeva - 53 yaş
Məlahət İbrahimqızı - 61 yaş
Sahibə Qafarova - 64 yaş
Sədaqət Vəliyeva - 65 yaş
Aqiyə Naxçıvanlı - 69 yaş
1news.az xəbər agentliyi növbədənkəanr parlament seçkilərində lider olan 10 qadın namizəd haqqında məlumat təqdim edir:
Səbinə Xasayeva – 26 yaş
Azərbaycan Dillər Universitetinin bakalavr və magistr dərəcəsi ilə yanaşı, Azərbaycan Neft və Sənaye Universitetini (MBA) bitirib. İngilis və norveç dillərini mükəmməl bilir.
“Yeni Azərbaycan” Partiyasından Qaradağ-Binəqədi-Yasamal rayonları üzrə 12 saylı seçki dairəsindən namizədliyi irəli sürülüb. 48,5% səs toplayıb.
Könül Nurullayeva – 34 yaş
2009-cu ildən Milli Olimpiya Komitəsinin Beynəlxalq Əlaqələr İdarəsinin rəisi vəzifəsinə təyin olunan K.Nurullayeva Azərbaycan Atletika Federasiyasının Beynəlxalq Əlaqələr şöbəsinin rəhbəri, “Bakı-2020” Olimpiya Oyunlarına namizədliklə əlaqədar yaradılmış Təşkilat Komitəsinin və “Bakı-2017” İslam Həmrəyliyi Oyunları namizədlik komitəsinin icraçı direktoru kimi beynəlxalq Olimpiya hərəkatında ən gənc xanım rəhbər olaraq adını tarixə yazıb.
O, Pekin Olimpiya oyunlarında (2008-ci il) nümayəndə heyətinin rəhbərinin köməkçisi, London Olimpiya oyunlarında (2012-ci il) Azərbaycan nümayəndə heyətinin rəhbərinin müavini, eləcə də 2010-cu il Vankuver və 2014-cü il Soçi Qış olimpiadalarında nümayəndə heyətinin rəhbəri olub.
24 saylı Nizami birinci seçki dairəsindən namizədliyi irəli sürülüb, 46.1% səs toplayıb.
Nigar Arpadarai – 38 yaş
Bakı Şəhər Halqası Əməliyyat Şirkətinin (BŞH) Marketinq və Kommunikasiya şöbəsinin rəhbəri, Azərbaycan Formula-1 Qran Prisinin təşviqatçısı, kristal nüfuza sahib şəxs, ölkədə aparıcı PR mütəxxəsisdir.
29 saylı Səbail seçki dairəsindən namizədliyi irəli sürülüb, 42,3% səs toplayıb.
Jalə Əhmədov – 38 yaş
İxsisasca hüquqşünasdır.
59 saylı Salyan seçki dairəsindən namizədliyi irəli sürülüb, 59.7% səs toplayıb.
Əminə Ağazadə - 39 yaş
BDU-dan bakalavr və magistr dərəcəsi üzrə məzundur. 2002-ci ildən prokurorluqda müxtəlif vəzifələrdə çalışıb. Azərbaycan, rus və ingilis dillərini bilir.
57 saylı Kürdəmir seçki dairəsindən namizədliyi irəli sürülüb, 64.8% səs toplayıb.
Sevil Mikayılova – 45 yaş
Trend informasiya agentliyinin baş direktorun müavinidir.
56 saylı Xaçmaz kənd seçki dairəsindən namizədliyi irəli sürülüb, 43,8% səs toplayıb.
Fatma Yıldırım – 47 yaş
Bakı Dövlət Universitetinin Fizika fakültəsinin məzunu və fəlsəfə doktorudur. 2018-ci ildən Dövlət Şəhərsalma və Arxitektura Komitəsində kadrlar şöbəsinin müdiri olub.
“Yeni Azərbaycan” Partiyasından 93 saylı Bərdə şəhər seçki dairəsindən namizədliyi irəli sürülüb, 65.7% səs toplayıb.
Afət Həsənova – 59 yaş
Seçkidən əvvəl Suraxanı Rayon İcra Hakimiyyəti başçısının müavini vəzifəsini tutub. 32 saylı Suraxanı 3-cü seçki dairəsindən “Yeni Azərbaycan” Partiyasıdan nazizədliyi irəli sürülüb, 64,9% səs toplayıb.
Tamam Cəfərova – 60 yaş
Hazırda Azərbaycan Dillər Universitetinin beynəlxalq münasibətlər kafedrasının dosenti və sosial məsələlər və ictimaiyyətlə əlaqələr üzrə prorektorudur.
2006-2016-cı illərdə Azərbaycan Respublikası Mərkəzi Seçki Komissiyasının üzvü olub.
85 saylı Şamaxı seçki dairəsindən müstəqil namizəd kimi irəli sürülüb, səslərin 48,9%-ni qazandı.
Hicran Hüseynova - 64 yaş
1977-ci ildən Bakıdakı 189 nömrəli orta məktəbdə müəllim işləyib. 1988 - 1993-cü illərdə Bakı Dövlət Universitetində siyasi tarix kafedrasında müəllim, baş müəllim və dosent vəzifələrində çalışıb.
1999-2003-cü illərdə Azərbaycan Ailə, Qadın və Uşaq Problemləri üzrə Dövlət Komitəsinin Beynəlxalq əlaqələr və informasiya şöbəsinin müdiri vəzifəsində çalışıb. 2006-cı ildə Azərbaycan Ailə, Qadın və Uşaq Problemləri üzrə Dövlət Komitəsinin sədri təyin edilib.
41 saylı Sumqayıt 1-ci seçki dairəsindən “Yeni Azərbaycan” Partiyasıdan irəli sürülən namizəd 32,6% səs toplayıb.
Tərcümə: S.Xankişiyeva