Azərbaycan və Türkiyə müdafiə nazirlərinin ikitərəfli görüşü keçirilib
Dekabrın 17-də İstanbul şəhərində Azərbaycan Respublikasının müdafiə naziri general-polkovnik Zakir Həsənovla Türkiyə Respublikasının milli müdafiə naziri cənab İsmət Yılmaz arasında görüş keçirilib.
1news.az Müdafiə Nazirliyinin mətbuat xidmətinə istinadən xəbər verir ki,nümayəndə heyətlərinin iştirakı ilə keçirilən görüşdə müdafiə nazirləri ölkələrimiz arasında hərbi əməkdaşlığın daim inkişaf etdiyini, strateji tərəfdaşlığın dostluq və qardaşlıq münasibətləri üzərində qurulduğunu qeyd ediblər.
Tərəflər bu günlərdə Bakıda keçirilən Azərbaycan-Türkiyə 8-ci Yüksək Səviyyəli Hərbi Dialoq İclasının nəticələrini əks etdirən yekun Protokolunun imzalanmasını da xüsusi qeyd edərək Silahlı Qüvvələrimiz arasında əlaqələrin inkişaf perspektivləri, hərbi, hərbi-texniki və hərbi təhsil sahələrində əməkdaşlığın imkanları, birgə təlimlərin keçirilməsi, o cümlədən regional və qarşılıqlı tərəfdaşlığa dair bir sıra məsələlər barədə müzakirələr aparıblar.
