Yıldırım: “Bundestaq erməni lobbisinin təsiri ilə qərar qəbul edib”
Türkiyənin Baş naziri Binəli Yıldırım Almaniya Bundestaqının 1915-ci ildə Osmanlı İmperiyasında baş verən hadisələrin təsdiqini səhv qərar olduğunu bəyan edib:
“Türkiyə xalqının keçmişi hər kəsə bəllidir. Bu xalq öz keçmişi ilə fəxr edir”.
Qeyd edək ki, iyunun 2-də Bundestaq böyük səsçoxluğu ilə 1915-ci ildə Osmanlı İmperiyasında baş verən hadisələri “ermənilərin soyqırımı” kimi tanıdan qətnaməni təsdiq edib.
“Türkiyənin müttəfiqi olan Almaniya bu qərarı erməni lobbisinin təsiri ilə qəbul edib. Ölkəmizin tarixində elə bir hadisə olmayıb ki, biz bundan utanaq və ya xəcalət çəkək”.
Yıldırım həmçinin Türkiyənin Berlindəki səfirini məsləhətləşmələr üçün geri çağırması məsələsini də bildirib:
“Əlbəttə ki, biz, qətnamənin mətni ilə tanış olduqdan sonra bir dəqiqə belə düşünmədən müvafiq tədbirlər görəcəyik. Bu xalq heç kəsin əmrinə tabe olmayıb, heş kəs qarşısında başını aşağı dikməyib”.
Mövzu ilə əlaqədar oxuyun:
Bundestaq qondarma “erməni soyqırımı”nı tanıdı
Numan Kurtuluş: “Bundestaqın qərarı Türkiyə üçün heç bir hüquqi əhəmiyyət kəsb etmir”
Türkiyə Almaniyadakı səfirini geri çağırdı
Ərdoğan: “Bundestaqın qərarı Türkiyə-Almaniya münasibətlərinə ciddi təsir edəcək” – VİDEO
1news.az
