PKK tərəfdarları Niderlandda Türkiyə və Azərbaycanla bağlı təşkilata silahlı hücum ediblər – FOTO

Niderlandda Türkiyə və Azərbaycanın diaspor missiyasını həyata keçirən təşkilata hücum olub.

1news.az–ın APA-ya istinadən verdiyi məlumata əsasən, Krallıqdakı Azərbaycan-Türk Kültür Dərnəyinin rəhbəri İlhan AşkınAPA-ya bildirib ki, ötən gün axşam yerli vaxtla saat 21:00-22:00 arası 30 silahlı şəxs tərəfindən Niderlandın Dordrecht şəhərində yerləşən Ayasofya cami və Hilal Vakfi (Bozqurdçular) təşkilatının mərkəzi ofisinə hücum olub.

Hücum nəticəsində ofis dağıdılıb, təşkilatın bir əməkdaşı başından güllələnməklə ağır yaralanıb, digərinə xəsarət yetirilib.

 İ.Aşkının sözlərinə görə, hücumun PKK tərəfdarları tərəfindən edildiyi bildirilir.

Hazırda yaralılar xəstəxanaya yerləşdirilib, vəziyyətləri orta ağırdır. Hadisə barədə polisə müraciət olunub, polis təşkilatın ofisini mühafizəyə götürüb.

Hazırda Niderland polisi hadisəni törədənləri axtarır.

1news.az