Ərdoğan və Putin telefonla əlaqə saxlayacaqlar

Türkiyənin və Rusiyanın prezidentləri Rəcəp Tayip Ərdoğan və Vladimir Putin telefonla əlaqə saxlayacaqlar.

1news.az-ın İhlas-a istinadən verdiyi məlumata görə, bunu Türkiyənin baş naziri Binali Yıldırım deyib.

Xatırladaq ki, bundan öncə Rusiya prezidentinin mətbuat katibi Dmitriy Peskov Putinin Türkiyə prezidentinin məktubunu aldığını bildirib.

“Ərdoğan yaşanan bu hadisə ilə bağlı dərin təəsüf hissi keçirdiyini, Rusiya ilə Türkiyə arasında ənənəvi dostluq əlaqələrinin bərpası üçün hazır olduğunu vurğulayıb. Bundan əlavə R.T.Ərdoğan iki ölkənin bölgədə krizis hadisələrinə birgə reaksiya vermək və terrora qarşı mübarizə aparmaq tərəfdarı olduğunu bildirib”, - deyə Peskov əlavə edib.

1news.az