Türkiyədə HDP-nin həmsədrləri barəsində cinayət işləri qaldırılıb

Türkiyənin kürdyönümlü HDP partiyasının həmsədrləri Selahattin Demirtaş və Fiqen Yüksekdağ prokurorluğa çağrılıblar.

1news.az-ın Türkiyə KİV-lərinə istinadən verdiyi məlumata əsasən, bu haqda Türkiyənin Baş prokurorluğuna Mersin və Midyatın prokurorluqları müvafiq müraciət ediblər.

S.Demirtaşa qarşı “təhqir”, “terrorçu təşkilatın propaqandası” maddələri ilə 4 cinayət işi qaldırılıb.

Fiqen Yüksekdağ isə “dövlət məmuruna şər atma” maddəsində günahlandırılır.

Ümumi olaraq isə, Türkiyədə 57 deputatla bağlı məhkəmə proseslərinə start veriləcək.

Bununla bağlı Türkiyənin Ədliyyə Nazirliyinə 117 material göndərilib.

1news.az