Rusiyada qəzaya uğrayan təyyarədə olanların cəsədləri tapılıb - VIDEO

Rusiyada xilasedicilər İrkutsk vilayətində qəzaya uğrayan İl-76 təyyarəsinin heyətinin cəsədlərini tapıb.

1news.az-ın RİA Novost-yə istinadən verdiyi məlumata əsasən, hal-hazırda qəza yerində tibbi-məhkəmə ekspertizasının əməkdaşları işləyirlər.

Onlar genetik ekspertiza üçün material yığırlar.

Cəsədlər artıq İrkutskdadır və tanınmadana sonar Moskvaya göndəriləcəklər.

Qəza yerinin yaxınlığında meşə yanğını tuğyan edir. Onun söndürülməsi üçün daha 145 nəfərin cəlb olunması planlaşdırılır.

Qeyd edək ki, təyyarə ötən cümə səhər radələrində meşə yanğınlarını söndürərkən radarlardan itib.

Təyyarədə 10 nəfər var idi.

Qəzaya uğramış təyyarə Rıbnıy Uyan yaşayış məntəqəsinə yaxın olan təpənin döşündə tapılıb.

1news.az