500 000 kitab indi cəmi 0,15 AZN-ə - FOTO
Azercell istəyir ki, istirahət aylarında kitab daima yanınızda olsun!
Ölkəmizin mobil rabitə bazarının lideri Azercell Telekom-un ötən ilin noyabr ayında mütaliəsevərlər üçün təqdim etdiyi “Bookmate” layihəsi abunəçilər tərəfindən böyük həvəslə qarşılanmaqdadır.
Kitabsevərlərin böyük marağını nəzərə alan Azercell bu xidmətlə bağlı daha bir yenilik edir. Belə ki, 04.07.2016 tarixindən etibarən “Bookmate” mobil kitabxanasına giriş günlük cəmi 0.15 AZN təşkil edəcək. Bu yenilikdən yararlanmaq üçün abunəçilər *501# komandasını yığmalıdılar. Daha bir sevindirici xəbər isə ondan ibarətdir ki, “Bookmate” kitabxanasına qoşulan abunəçilər ilk 7 gün bu xidmətdən pulsuz istifadə edə biləcəklər.
Məlumat üçün bildirək ki, “Bookmate” - minlərlə kitabı elektron cihaz üzərindən oxumaq üçün yaradılmış mobil tətbiqdir. Bu xidmət telefonda, planşetdə və kompüterdə maraqlı əsərləri tapıb oxumağın ən rahat yoludur. Azercell-in güzəştli qiymətlə təqdim etdiyi mobil kitabxanada 500 000-dən artıq kitaba çıxış təmin olunub. Endirimli abunə məbləği müqabilində Azercell abunəçiləri klassik, müasir və elmi-bədii, biznes ədəbiyyatından istənilən nümunə ilə tanış ola bilərlər.
Qeyd edək ki, danışıq balansından ödəniş imkanı abunəçilər üçün vaxt itirmədən, heç bir kredit kartından istifadə etmədən elektron kitabxanadan rahat şəkildə yararlanmaq imkanı verir. Digər vacib məqam isə ondan ibarətdir ki, burada oxucular yalnız xarici ədəbiyyat deyil, azərbaycanlı müəlliflərin əsərləri ilə də tanış ola bilərlər. Xidmətin ən mühüm üstünlüklərindən biri – “Bookmate” kitabxanasında kitab oxumaq üçün daimi internetə ehtiyacın olmamasıdır. Çünki yüklənən kitabı istənilən vaxt, istənilən yerdə, məsələn, metroda və təyyarədə oxumaq mümkündür. Həmçinin, əlinizin altında olan cihazın – telefon, planşet və ya kompüter olmasının fərqi yoxdur. Çünki kitab cihaza yox, sizin şəxsi kitabxananıza əlavə edilir.
Qeyd edək ki, “Bookmate” Android, iOS əməliyyat sistemləri üzərindən işləyir.
Xidmət barədə daha ətraflı məlumat üçun https://www.azercell.com/az/personal/services/partner_services/bookmate/ səhifəsindən yararlana bilərsiniz.
Daha ətraflı məlumat üçün [email protected] ünvanına müraciət edə bilərsiniz/
Azercell Telekom MMC 1996-cı ildə təsis edilib və fəaliyyətinin ilk illərindən etibarən bazarda lider mövqeyini saxlayır. Azərbaycana ilk dəfə olaraq bir sıra innovativ texnologiya və konsepsiyaları Azercell gətirib: GSM texnologiyası, öncədən ödəmə mobil xidmətləri, M2M, MobilBank, GPRS/EDGE (mobil internet), 24/7 Telefon Mərkəzi, tam xidmət göstərən Azercell Ekspres ofisləri, mobil elektron xidməti “ASAN İmza” və s. Azərbaycanın mobil rabitə bazarındakı payı 48% olan Azercell-in şəbəkəsi ölkə əhalisinin 99,8%-ni əhatə edir. 2015-ci ilin sonuna Azercell abunəçilərinin sayı 4,5 milyon nəfər təşkil edib. 2011-ci ildə Azercell 3G, 2012-ci ildə isə 4-cü nəsil şəbəkəsi olan LTE xidmətini təqdim edib. Azercell Azərbaycanın mobil rabitə sənayesinin lideri və qeyri-neft sektorunun ən böyük sərmayədarıdır. Azercell dünyanın 17 ölkəsində fəaliyyət göstərən, ümumilikdə 186 milyon abunəçiyə xidmət edən və 27 min əməkdaşı olan Telia Company şirkətlər qrupunun bir hissəsidir.
