“Qəbələ” III mərhələdə, “Neftçi” də mübarizəni dayandırdı – VİDEO | 1news.az | Xəbərlər
Futbol

“Qəbələ” III mərhələdə, “Neftçi” də mübarizəni dayandırdı – VİDEO

12:06 - 22 / 07 / 2016
“Qəbələ” III  mərhələdə, “Neftçi” də mübarizəni dayandırdı – VİDEO

UEFA Avropa Liqasındakı təmsilçilərimizdən “Qəbələ” və “Neftçi” II təsnifat mərhələsində cavab oyunu keçiriblər.

1news.az-ın məlumatına görə, “Bakcell Arena”da Macarıstanın MTK  komandası ilə qarşılaşan “Qəbələ” Sergey Zenyov və Teo Viksin qolları sayəsində 2:0 hesablı qələbə qazanıb.

İlk oyunda 2:1 hesabı ilə qalib gələn təmsilçimiz üçüncü təsnifat mərhələsinə yüksəlib. “Qəbələ” iyulun 27-də və avqustun 4-də keçiriləcək oyunlarda Fransanın “Lill” komandası ilə qarşılaşacaq.

Bir həftə əvvəl “Bakcel Arena”da keçirilmiş ilk oyunda Makedoniyanın “Şkendiya” komandası ilə qolsuz heç-heçə edən “Neftçi” isə azarkeşlərini məyus edib.

Belə ki, Skopye şəhərindəki II Filip Arenasında təşkil olunmuş cavab qarşılaşmasında minimal hesabla məğlub olan təmsilçimiz “Kəpəz” kimi mübarizəni erkən dayandırıb. 

Avropa Liqasının II təsnifat mərhələsi, cavab oyunu

21 iyul

“Qəbələ” (Azərbaycan) – MTK (Macarıstan) - 2:0

Qollar: Sergey Zenyov, 7, Teo Uiks, 37

Baş hakim: Mete Kalkavan

Baş hakimin köməkçiləri: Ceyhun Səsigözəl, Esat Sancaktar

Dördüncü hakim: Sərkan Çinar (hamısı Türkiyə)

Bakı. 8-ci km qəsəbə stadionu

İlk oyun - 2:1

“Şkendiya” (Makedoniya) – “Neftçi” (Azərbaycan) -  1:0 
Qol: Besart İbraimi, 31
Qırmızı vərəqə: Vançe Şikov, 71

Baş hakim: Erik Lambrekt

Baş hakimin köməkçiləri: Karel De Roker, Co de Veyrdt

Dördüncü hakim: Frederik Qeldhof (hamısı Belçika)

Skopye. “II Filip” stadionu

İlk oyun - 0:0

1news.az

Paylaş:
893

Son xəbərlər

Bütün xəbərlər