Qusarın iki kəndinə ilk dəfə təbii qaz verilib

Avqustun 2-də Qusar rayonunun daha iki kəndinə ilk dəfə təbii qaz verilib.

1news.az-ın məlumatına görə, bu münasibətlə keçirilmiş tədbirdə rayon icra hakimiyyətinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər. 

Bildirilmişdir ki, ümumilikdə 261 abonenti olan Ləcət və Yuxarı Tahircal kəndlərinin qazlaşdırılması məqsədi ilə birpilləli sistem əsasında 33 kilometrdən artıq müxtəlif diametrli polietilen və metal borularla daşıyıcı və məhəllədaxili qaz xətləri çəkilib, abonentlərin mənzillərində sayğac və fərdi tənzimləyicilər quraşdırılıb.

1news.az