“Qarabağ” Gəncədən qələbə ilə qayıdır
Fevralın 12-də futbol üzrə Azərbaycan Premyer Liqasının XVIII turuna start verilib.
1news.az Azərtac-a istinadən xəbər verir ki, turun ilk qarşılaşması Gəncə şəhər stadionunda oynanılıb.
Yerli “Kəpəz” komandası Azərbaycan çempionu “Qarabağ”ı qəbul edib.
Baş hakim Ömər Paşayevin idarə etdiyi oyunun 65-ci dəqiqəsində “Qarabağ”ın futbolçusu Mahir Mədətov komandasının qələbə qolunu vurub - 1:0.
Beləliklə, hesabındakı xalların sayını 42-yə çatdıran “Qarabağ” turnir cədvəlində liderliyini davam etdirir. “Kəpəz” isə 15 xalla altıncı pillədə yer alır.
Günün ikinci qarşılaşmasında “Zirə” doğma meydanda “Qəbələ”ni qəbul edir.
Tura fevralın 13-də keçiriləcək “AZAL”-“İnter” və “Neftçi”-“Sumqayıt” oyunları ilə yekun vurulacaq.
1news.az
