Rus dilini rəsmiləşdirmək təklifinə cavab - Ermənistan Aİİ-dən çıxa bilər
Rusiya Dövlət Dumasının spikeri Vyaçeslav Volodininin Ermənistanın rus dilinə rəsmi status verməsini təklif etməsi gözlənilməz təklif deyil.
1news.az “tert.am”a istinadla xəbər verir ki, bunu erməni millət vəkili Edmond Marukyan deyib.
Onun sözlərinə görə, Rusiya ərazisində milli sürücülük vəsiqələrinin tanınmasına dair qanunun qəbulunun Ermənistan üçün açıq mesaj olduğu barədə ilk xəbərdarlıq edənlərdən olub:
“ Orada vurğulanıb ki, ermənilərin milli sürücülük vəsiqələrinin Rusiya ərazisində tanınması üçün rus dilinə rəsmi status verməlisiniz. Mən bunun Ermənistan hakimiyyətinə açıq-aydın bir mesaj olduğunu demişdim, indi isə parlamentin sədri bunu deyir. Hesab edirəm ki, bu, qəbuledilməzdir.
Marukyan əlavə edib ki, məsələ ilə bağlı Ermənistan konstitusiyasında heç bir boşluq yoxdur:
"Ermənistan konstitusiyasında dəqiq vurğulanıb ki, ölkənin rəsmi dili erməni dilidir".
O deyib ki, Ermənistan Avrasiya İqtisadi İttifaqının üzvüdür, bunu nəzərə alaraq işçilər Rusiya və digər üzv ölkələrin ərazisində işləyə bilərlər. Əgər bu qadağan edilirsə, onda Ermənistan Aİİ-dən çıxmaq prosesinə başlaya bilər:
Biz indi Aİİ-dən çıxmaq üçün tədbirləri nəzərdən keçirməliyik".
Pərvanə Sultanova
