Dağlıq Qarabağda erməni hərbçilər minaya düşüb: 3 yaralı

Dağlıq Qarabağda dünən saat 11:36 radələrində Xocavənd rayonu (Ağdam rayonu) Novruzlu kəndi ərazisində “ZİL-130” markalı yük avtomobili tank əleyhinə minaya düşüb.

1news.az-ın NEWS.am-a istinadla verdiyi xəbərə görə, partlayış nəticəsində itki olmadığı bildirisə də, hadisədən sonra əraziyə gələn avtomobilin sürücü və iki sərnişini Xocavənd şəhərindəki xəstəxanaya aparıldığı deyilir.

Cəbhə xəttinə yaxın ərazidə “ZİL-130” markalı yük avtomobilin hansı təxribatı icra etdiyi məlum olmasa da, sürücü və sərnişinlərinin hərbçi olması istisna edilmir.

S.Xankişiyeva