Britaniyada qızlara “qız” demək qadağan olundu

Böyük Britaniyanın Mançester şəhərində “Oltringem” qızlar məktəbində rəhbərlik şagirdlərin qız adlandırılmasını qadağan edib.

1news.az-ın Trend-ə istinadla verdiyi xəbərə görə, məktəb direktoru bunun əvəzində cins baxımdan daha neytral ifadələrdən istifadə etməyi təklif edib.

Valideynlərə ünvanlanan məktubda məktəb rəhbərliyi qərarı izah edib. Bildirilib ki, bu qərar cinsi mənsubiyyətinin müəyyənləşdirilməsində çətinlik çəkən uşaqların özünü daha rahat hiss edə bilmələri üçün verilib.

Bununla belə, məktəb öz adındakı “Qızlar” sözünü yığışdırmaqdan imtina edib.

S.Xankişiyeva