Mübariz Əhmədoğlu: E.Nalbandyan həm diplomat, həm sərkərdə və həm də kriminal avtoritetin şəyirdidir
Bütün Ermənistan rəhbərliyi ilin sonunda hərbi hissələrə baş çəkirlər. Bu Ermənistanın siyasətə deyil, gücə üstünlük verdiyini sübut edir.
1news.az xəbər verir ki, bunu Siyasi İnnovasiya və Texnologiyalar Mərkəzinin sədri, politoloq Mübariz Əhmədoğlu deyib:
“ER xarici işlər naziri E.Nalbandyan ilin son günlərinin birində hərbi hissəyə baş çəkdi. O Ermənistan ordusunu regionun ən baş tutmuş və ən döyüş qabiliyyətli ordusu adlandırdı. Xüsusi olaraq qeyd edək ki, ilin sonunda hərbi hissəyə baş çəkmək E.Nalbandyanda ənənə halını alıb. E.Nalbandyanın bu hərəkəti diplomatik tənzimlənməyə çalışmadıqlarının, diplomatik tənzimlənmədəki uğursuzluqların etirafıdır.
Bütün Ermənistan rəhbərliyi ilin sonunda hərbi hissələrə baş çəkirlər. Bu Ermənistanın siyasətə deyil, gücə üstünlük verdiyini sübut edir”.
Azərbaycanın xarici işlər naziri E.Məmmədyarovun heç zaman hərbi hissəyə baş çəkmədiyini deyən politoloq bildirib ki, eləcə də bu fikir bütün Azərbaycan rəhbərliyinə şamil edilə bilər.
Qeyd olunub ki, ABŞ kriminal-avtoritet Robsonu (Ruben Tatulyan) sanksiya siyahısına daxil etdikdən sonra onun ER XİN-nin rəsmi əməkdaşı olduğu, Ermənistana məxsus diplomatik maşında gəzdiyi bəlləndi. Eləcə də ER Xİ nazirliyinin mətbuat xidmətinin rəhbəri Robsonun nazir E.Nalbandyanın müşaviri olduğunu təsdiqlədi. E.Nalbandyan öz müşavirindən ABŞ-ı yer üzündən silmək təlimatları alırmış. Məhz bunun üçün də Ermənistanın Xİ naziri bir nömrəli diplomat olmaqla yanaşı həm sərkərdə, həm də kriminal avtoritetin şəyirdi olmaq istəyirmiş.
Erməni mətbuatının yazdığına görə E.Nalbandyanın qaynatası və qaynı RF Müdafiə Nazirliyinin Baş Kəşfiyyat İdarəsinin generallarıdır.
“ATƏT, ABŞ və Aİ Ermənistan XİN başçısının belə davranışına fikir versə tənzimlənmənin mahiyyətindən daha ciddi dəyişikliklər yarada bilərlər. Həm də ABŞ-ın yer üzündən silinməsinin qarşısını ala bilərlər”- deyə, M.Əhmədoğlu qeyd edib.
1news.az
