XİN: Sarkisyan AŞPA-dakı çıxışı ilə yenə də beynəlxalq ictimaiyyəti aldatmağa çalışıb | 1news.az | Xəbərlər
Siyasət

XİN: Sarkisyan AŞPA-dakı çıxışı ilə yenə də beynəlxalq ictimaiyyəti aldatmağa çalışıb

17:43 - 24 / 01 / 2018
XİN: Sarkisyan AŞPA-dakı çıxışı ilə yenə də beynəlxalq ictimaiyyəti aldatmağa çalışıb

Ermənistan-Azərbaycan münaqişəsinin həllində əsas ədalətsizlik və ya Ermənistan rəhbərliyinin dediyi kimi “ədalətin defisiti” ilk növbədə Azərbaycanın suveren ərazilərinin işğalı və işğal olunmuş ərazilərdə bir milyondan artıq Azərbaycanlının etnik təmizləməyə məruz qalması və onların bütün fundamental hüquqlarının pozulmasıdır.

1news.az xəbər verir ki, bunu XİN-nin mətbuat xidmətinin rəhbəri Hikmət Hacıyev Ermənistan prezidentinin Avropa Şurası Parlament Assambleyasındakı(AŞPA) çıxışına münasibət bildirərəkən deyib.

H.Hacıyev qeyd edib: “Ermənistan Avropa Şurasına üzv qəbul olunarkən münaqişənin həllinə dair öz üzərinə öhdəliklər götürsə də bunları hələ də yerinə yetirməyib. Avropa Şurası üzv dövlətlər arasında vahid hüquqi məkanın formalaşdırılmasına məsul olduğu halda, Avropa Şurasının üzv dövləti olaraq Ermənistanın digər üzv dövlət olan Azərbaycanın ərazilərini işğal altında saxlamaqda davam edir. Güc tətbiq edərək digər dövlətin tanınmış sərhədlərini dəyişdirmək və ya ərazi əldə edilməsi cəhdləri qəbuledilməzdir.

Ümid etmək istərdik ki, Avropa Şurasının rəhbərliyi bu kimi məsələləri, həmçinin Avropa İnsan Hüquqları Konvensiyası ilə nəzərdə tutulmuş bütün fundamental hüquqları pozulmuş azərbaycanlı məcburi köçkün və qaçqınların hüquqlarını Ermənistan rəhbərliyi qarşısında qaldırıb.

Münaqişənin həlli ilə əlaqədar Azərbaycanın haqlı və ədalətli mövqeyi bütün beynəlxalq ictimaiyyətə bəllidir və bu mövqe dəstəklənir. Azərbaycanın mövqeyinin əsasının BMT Təhlükəsizlik Şurasının müvafiq qətnamələri, beynəlxalq hüququn norma və prinsipləri, Helsinki Yekun Aktı təşkil edir. Azərbaycanın Dağlıq Qarabağ bölgəsinin erməni icması Azərbaycan icması ilə birlikdə Azərbaycanın sərhədləri daxilində öz müqəddəratını təyin etmək hüququndan istifadə edə bilər”.

O vurğulayıb ki,  münaqişənin həllində irəliləyişə nail olmaq üçün mərhələli prosesin tərkib hissəsi kimi ilk növbədə Azərbaycanın Dağlıq Qarabağ bölgəsi ətrafındakı rayonlardan Ermənistan qoşunları çıxarılmalı, növbəti addımların atılması üçün zəmin yaradılmalıdır. Münaqişənin həllində yeganə mümkün və real həll variantıdır.

Bununla işğala və təcavüzə məruz qalmış tərəf kimi Azərbaycanın etimadı təmin olunmalıdır. 2017-ci ilin avqustunda ATƏT ABŞ-dan olan həmsədri Riçard Hoaqland digər həmsədrlərlə həmrəy şəkildə münaqişənin həlli üzrə atılmalı olan mərhələli addımları açıqladı. Bu günlərdə Rusiya Federasiyası xarici işlər naziri Serqey Lavrov tərəfindən də münaqişənin mərhələli həlli barədə açıqlama verildi.

Mürəkkəb xarakter daşıyan Ermənistan-Azərbaycan münaqişəsinin bir sənədlə həll edilməsinə dair Ermənistanın iddiası utopiyadır və münaqişənin həllinə imkan verməmək üçün bəhanədən başqa bir şey deyildir.

Ermənistanın 2016-cı ilin aprelində təmas xətti boyunca mülki insanları ağır silahlardan hədəfə alması bizə Ermənistan prezidentinin şəxsən iştirak etdiyi Xocalı soyqırımının acılarını bir daha xatırlatdı. Azərbaycan silahlı qüvvələrinin əks-həmlə tədbirləri ilə Ermənistanın mülki insanlara qarşı təxribat və hücumlarının qarşısı alındı.

1988-ci il Sumqayıt hadisələrinin SSRİ rəhbərliyi, SSRİ Dövlət Təhlükəsizlik Komitəsi və Ermənistan SSR DTK tərəfindən təşkil olunması SSRİ Baş Prokurorluğu tərəfindən aparılan və Azərbaycan Baş Prokurorluğu tərəfindən təkrar icraata götürülən istintaq vasitəsilə təsdiq olunub. Sumqayıt hadisələrinin təşkilatçısı və onu törədən şəxs əslən erməni Eduard Qriqoryan müəmmalı şəkildə Ermənistanda həbsdən azad edilib. Hal-hazırda onun xüsusi himayə altında harada olduğunu Ermənistan rəhbərliyi gözəl bilir.

Sumqayıtda törədilmiş cinayət araşdırıldı və onun iştirakçısı olan şəxslər, o cümlədən azərbaycanlılar ən ağır cəza növü ilə cəzalandırıldılar. Ermənistan ərazisində, işğal olunmuş Azərbaycan ərazilərində azərbaycanlılara qarşı törədilmiş heç bir cinayət işi, o cümlədən insanlıq əleyhinə cinayət əməli olan Xocalı soyqırımı araşdırılmayıb.

Avropa Şurası Parlament Assambleyasındakı çıxışı ilə Ermənistan rəhbərliyi yenə də beynəlxalq ictimaiyyəti aldatmağa, Ermənistanda mövcud olan köklü siyasi, iqtisadi və sosial problemlərdən diqqəti yayındırmağa çalışıb.

Ermənistan rəhbərliyi nəhayət başa düşməlidir ki, nə qədər tez münaqişə həll olunarsa, bir qədər də tez Ermənistan əhalisi yaranacaq regional əməkdaşlıq imkanlarından faydalana biləcəkdir".

P.Sultanova

 

 

Paylaş:
739

Son xəbərlər

Mehriban Əliyeva Zəngilan səfəri ilə bağlı paylaşım edib18 / 05 / 2024, 18:04Qarabağ Universitetinin bukleti hazırlanıb18 / 05 / 2024, 17:47Prezident Cəbrayıl rayonunun Sarıcallı kəndinin təməlini qoyub18 / 05 / 2024, 17:30Prezident və birinci xanım Zəngilan məscidinin açılışında iştirak ediblər - YENİLƏNİB18 / 05 / 2024, 17:08“AzərEnerji ASC-nin “Zəngilan” və “Şayıflı” Su Elektrik stansiyaları istifadəyə verilib - YENİLƏNİB18 / 05 / 2024, 16:45İlham Əliyev Cəbrayıl rayonunun Maşanlı kəndinin təməlini qoyub - YENİLƏNİB18 / 05 / 2024, 16:29Prezident və birinci xanım Zəngilanda “Ağalı” hotelinin açılışında iştirak ediblər - YENİLƏNİB18 / 05 / 2024, 16:26İlham Əliyev Cəbrayıl rayonunun Böyük Mərcanlı kəndinin təməlini qoyub18 / 05 / 2024, 16:24Prezident Cəbrayılın Karxulu kəndinin təməlini qoyub - FOTO18 / 05 / 2024, 16:18Yağıntılı hava şəraiti davam edir - FAKTİKİ HAVA18 / 05 / 2024, 15:58Zəngilan şəhərinin daxili yol-kommunikasiya şəbəkəsinin təməli qoyulub18 / 05 / 2024, 15:39“Coca-Cola” Azərbaycanda ikinci istehsal müəssisəsini açacaq - FOTO18 / 05 / 2024, 15:11Dövlət başçısı Zəngilan rayonunun Mincivan qəsəbəsinin təməlini qoyub - YENİLƏNİB18 / 05 / 2024, 14:47Paytaxtın mərkəzi küçələrində “kokain” və “ekstazi” həblərinin satışını təşkil etmək istəyən şəxs saxlanılıb - VİDEO18 / 05 / 2024, 14:27Rəşad Nəbiyev Şəkidə vətəndaşları qəbul edib18 / 05 / 2024, 14:09İlham Əliyev Cəbrayıl rayonunun Böyük Mərcanlı, Karxulu və Sarıcallı kəndlərinin təməllərini qoyub18 / 05 / 2024, 13:43Bakıda usta işlədiyi evlərdən oğurluq etdiyi üçün saxlanılıb18 / 05 / 2024, 13:25Kamaləddin Qafarov: “Azərbaycan-Belarus münasibətləri yüksək dinamika ilə inkişaf edəcək”18 / 05 / 2024, 13:10AMEA-nın loqosu dəyişdi - FOTO18 / 05 / 2024, 13:02Bazar günü hava necə olacaq? - PROQNOZ18 / 05 / 2024, 12:55
Bütün xəbərlər