Kabildə partlayışda ölənlərin sayı 95-ə çatıb – YENİLƏNİB
Əfqanıstanın paytaxtı Kabil bu gün baş verən partlayışın qurbanlarının sayı 95-ə çatıb.
Hadisə nəticəsində daha 158 nəfər xəsarət alıb. Daha öncə 63 nəfərin öldüyü, 151 nəfərin yaralandığı bildirilirdi.
Partlayışa görə, məsuliyyəti Taliban qruplaşması öz üzərinə götürüb.
17.42
Əfqanıstanın paytaxtı Kabildə baş verən partlayışda ölənlərin sayı 63 nəfərə çatıb.
1news.az-ın RİA Novosti-yə istinadla verdiyi xəbərə görə, hadisə nəticəsində 151 nəfər yaralanıb. Terror aktını təşkil etməkdə şübhəli bilinən 4 nəfər saxlanılıb.
Partlayışa görə, məsuliyyəti Taliban qruplaşması öz üzərinə götürüb.
13:43
Əfqanıstanın paytaxtı Kabildə güclü partlayış baş verib.
Partlayış diplomatik nümayəndəliklərin və dövlət idarələrinin yerləşdiyi ərazidə törədilib.
Partlayışın gücündən bir neçə binada pəncərə şüşələri sınıb. Məlumata görə, 10 nəfər ölüb, 79 nəfər yaralanıb. Partlayışı bomba qoyulmuş avtomobildə terrorçu-kamikadze törədib.
Xəsarət alanlar barədə məlumat yoxdur.
S.Xankişiyeva
