Mübariz Əhmədoğlu: Sumqayıt hadisələrinədək ermənilər Qarabağda ilk qanı tökmüşdülər

Fevral ayı ermənilərin genetikasında olan və psixoloji durumlarına təsir edən aydır. Bunun səbəbləri barədə danışmaq fikrimiz yoxdur. Amma Dağlıq Qarabağ münaqişəsi başlandıqdan sonra hər il ermənilər fevral ayını “Sumqayıt qırğınları” kimi təqdim etmək istəyirlər. Bu istiqamətdə külli miqdarda siyasi resurs xərcləyirlər.

Əslində fevral ayı ermənilərin özlərinin törətdiyi çoxlu cinayətlərlə tanınır: Dağlıq Qarabağda ilk mitinqlər fevral ayında başlayıb; Dağlıq Qarabağın Azərbaycan SSR-nin tərkibindən çıxıb Ermənistan SSR-nin tərkibinə keçməklə bağlı qərarı da fevrala ayında verilib; Ermənilər Dağlıq Qarabağ münaqişəsi regionunda ilk qanı da fevral ayında tökdülər; Xocalı soyqırımı da fevral ayında baş verib;

Məhz bu hadisələri kölgəyə salmaq üçün ermənilər Sumqayıt hadisələrini qabardırlar. Çünki Sumqayıt hadisələri baş verəndə beynəlxalq ictimaiyyət məlumatları ermənilərdən alırdı. Azərbaycandan fərqli olaraq Ermənistan o dövrdə dünya mediasına qat-qat yaxın idi. Ona görə də ermənilər ilkin rəyi özləri bildiyi qaydada formalaşdıra bildilər. Reallıqda isə Ermənistan SSR-də avtoxton azərbaycanlılara qarşı hücumlar çoxdan başlamışdı. Sumqayıt hadisələrindən (fevral 1988-ci il) iki ay qabaq Ermənistan SSR-dən 240 minlik azərbaycanlı əhali deportasiya olundu. 1987-ci ilin dekabrın 24-də ermənilər bu deportasiyanı başa çatdırdılar. Azərbaycanlıları Ermənistan SSR-dən deportasiya etmək üçün onların yaşadığı ərazilərdə kütləvi qırğınlar törədildi. Kütləvi qırğınlar Ermənistan SSR-nin Quqark və Masis rayonlarında bu daha vəhşiliklə icra edilmişdi.

Ermənilər hədsiz çox yalan danışıblar. İndi yalan da onlardan bezib. Bəzən yalan hətta S.Sərkisyanla da müttəfiqlik etmir.

Mübariz Əhmədoğlu,

Siyasi İnnovasiya və Texnologiyalar Mərkəzinin sədri