XİN: Rusiyada təyyarə qəzasında ölən Azərbaycan vətəndaşıdır

Xarici İşlər Nazirliyi, Fövqəladə Hallar Nazirliyi və Daxili İşlər Nazirliyi tərəfindən əlaqələndirilmiş şəkildə Saratov hava yollarına məxsus Moskva-Orsk reysi ilə uçuş həyata keçirən təyyarədə baş vermiş qəzada həlak olduğu bildirilən şəxsin Azərbaycan Respublikası vətəndaşı olması araşdırılıb.

Bu barədə 1news.az-a XİN-nin mətbuat xidmətinin rəhbəri Hikmət Hacıyev bildirib.

Onun sözlərinə görə,  təyyarə qəzasında həlak olduğu bildirilən 5 may 1971-ci il təvəllüdlü, Yevlax rayon sakini Qəhrəmanov Namiq İnayət oğlu Azərbaycan vətəndaşıdır.

Məsələ ilə əlaqədar Azərbaycanın Rusiya səfirliyi və aidiyyəti dövlət qurumları bu ölkənin müvafiq dövlət təşkilatları ilə təmasdadırlar.  

P.Sultanova