Əhməd Sami Elaydi: Prezident seçkiləri region üçün böyük əhəmiyyətə malikdir
Hər bir ölkədə seçkilər çox önəmli ictimai-siyasi hadisə kimi qəbul olunur. Azərbaycan seçkilərin keçirilməsində böyük təcrübəyə malikdir.
Ölkədə bütün seçkilər hər zaman azad, demokratik, şəffaf şəkildə keçirilib. Hazırda Azərbaycanda seçkilərə ciddi şəkildə hazırlıq gedir, lazımı tədbirlər görülür.
1news.az-ın sechki-2018.az-a istinadla verdiyi xəbərə görə, bu fikirləri Azərbaycanda Misir Mədəniyyət və Təhsil Əlaqələri Mərkəzinin direktoru Əhməd Sami Elaydi bildirib.
O qeyd edib ki, Azərbaycan şərq və qərbin qovşağında yerləşən, regionun stabilliyində böyük rol oynayan ölkədir: "İqtisadi və siyasi cəhətdən güclü olan Azərbaycan Xəzər regionunda inkişaf və sabitliyin qarantı olduğu üçün bu ölkədə keçiriləcək prezident seçkiləri region üçün də böyük əhəmiyyətə malikdir".
Misir Mədəniyyət və Təhsil Əlaqələri Mərkəzinin direktoru əlavə edib ki, seçkilər Azərbaycanın tarixində mühüm rol oynayacaq: "Prezident seçkiləri Azərbaycanın yeni inkişaf mərhələsinin başlanğıcı olacaq".
S.Xankişiyeva
