Korien Yonker: İki ay ərzində daha detallı hesabat hazırlayacağıq
Bizim müşahidəçi missiyamız uzunmüddətli və qısamüddətli müşahidələr aparıblar.
1news.az xəbər verir ku, bunu ATƏT DTİHB müşahidə missiyasının rəhbəri Korien Yonker ATƏT-in Demokratik Təsisatlar və İnsan Haqları Bürosu, ATƏT Parlament Assambleyası və AŞPA müşahidə missiyaları prezident seçkilərinin ilkin nəticələri ilə bağlı birgə mətbuat konfransında deyib.
O vurğulayıb ki, hazırki seçkilər 2016-cı ildəki Konstitusiya dəyişikliklərindən sonra keçirilən ilk prezident seçkiləridir.
Yonker deyib ki, bəzi müxalifət partiyaları seçkilərdə iştirak etməyib. Seçki administrasiyası seçkilərə yaxşı hazırlanmışdı. MSK mütamadi açıq sessiyalar keçirib: “İki nəfərin prezidentliyə namizədliyi təsdiqlənməyib”.
Yonker onu da bildirib ki, iki ay ərzində daha detallı hesabat hazırlayacağıq və orda tövsiyələrimiz öz əksini tapacaq.
AŞPA müşahidə missiyasının rəhbəri Viorel Bardea isə deyib ki, bizim prezident seçkiləri ilə bağlı geniş hesabatımız olacaq:
“Hər xalqın seçim hüququ var, bizim məqsədimiz sadəcə seçkiləri müşahidə etməkdir”.
Pərvanə Sultanova