Paşinyan yeni müdafiə nazirinin kimliyini açıqlayıb

Ermənistanın yeni müdafiə nazirinin kimliyi məlum olub.

1news.az xəbər verir ki, baş nazir Nikol Paşinyan bu vəzifəyə fövqəladə hallar naziri səlahiyyətlərini icra edən David Tonoyanın təyin olunacağını açıqlayıb.

"Deyə bilərəm ki, David Tonoyan bu gün müdafiə naziri təyin olunacaq", - deyə N. Paşinyan hökumətin iclasından sonra bildirib.

Xatırladaq ki, müdafiə naziri Vigen Sarkisyan mayın 8-də vəzifəsindən istefa verib. O, 2016-cı ilin oktyabrından bu vəzifədə çalışırdı.

1news.az