AŞPA Səməd Seyidov və bir sıra deputatlara qarşı sanksiya tətbiq edib
AŞPA-nın Daimi Komitəsi Səməd Seyidov, Pedro Aqramunt, Jordi Şukl və Cezar Predə qarşı sanksiya tətbiq edib.
Bu haqda AŞPA-nın vitse-prezidenti, Ukrayna Nümayəndəliyinin üzvü, Petr Paraşenko blokunun deputatı Vladimir Aryev Facebook səhifəsində qeyd edib:
“Aqramunt və Ukraynanın sabiq məruzəçisi Şukl davranış kodeksini ciddi şəkildə pozublar. Hər ikisi səs vermə və qətnamələrə təşəbbüs hüququndan başqa, AŞPA-da qaydalarla nəzərdə tutulmuş bütün hüquqlardan məhrum olunublar. Aqramunta qarşı10 il, Şukla isə iki il müddətinə sanksiya tətbiq olunub”.
Aryev qeyd edib ki, komitə deputatları cəzalandırmaq da istəyib, lakin hüququ baxımdan onların günahları sübut olunmayıb.
Ukraynalı deputatın sözlərinə görə, Aqramunt və Şukldan başqa, Cezar Florin Preda və Səməd Seyidova qarşı da sanksiya tətbiq olunub. Onlara qarşı iki il müddətinə məhdudlaşdırıcı tədbirlər görülüb.
2017-ci ilin iyunun 30-da AŞPA-nın 158 nümayəndəsi Aqramuntun prezident vəzifəsindən kənarlaşdırılması ilə bağlı rəsmi müraciət ediblər. Bu məsələ onu rəhbərliyi ilə Rusiya Dövlət Dumasının bəzi deputatları ilə Suriyaya səfərindən sonra qaldırılır. Baxmayaraq ki, Rusiya AŞPA-da səs vermə hüququndan məhrumdur. Oktyabrın 6-da Aqramunt istefa verir.
2018-ci ilin aprelində müstəqil araşdırma qrupu 198 səhifəlik “hesabat” hazırlayır. “Hesabat”da “Azərbaycanın korrupsiya fəaliyyətilə bağlı maraqlarından” bəhs edilir.
Hazırki deputatlarla yanaşı, hesabatda Pedro Aqramunt (İspaniya), Cezar Florin Preda (Rumıniya), Stefan Şennax (Avstriya), Səməd Seyidov (Azərbaycan) və Jord Şuklın (İspaniya) adları yer alıb.
Assambleyanın “hesabatında” deyilir ki, guya Bakı təşkilatda öz maraqları məqsədilə deputatları ələ almaq istəyib.
Aprelin 22-də AŞPA bürosu “hesabatda” adları qeyd edilən deputatıların assambleyada işini dayandırması istəyir.
Azərbaycanın AŞPA-da daimi nümayəndəsi Səməd Seyidov ittihamlara cavab olaraq bildirib ki, bu, Azərbaycana qarşı qarayaxmadır:
“Biz təşkilata qanunun aliliyi üçün gəlmişik. Lakin burada beynəlxalq hüququn yeni təfsirini görürük. Adım korrupsiyaçıların siyahısında hallanıb. Lakin araşdırma korrupsiyaya qarşı heç bir əlaqəm olmadığını göstərdi. Adımın bu cür siyahıda olmasını anlamıram. Bu, ədalətsizlikdir. Sona qədərə mübarizə aparacağıq və qələbə qazanacağıq. Bir il öncə dedim ki, bu, bizim Avropa Şurasıdır. İndi isə deyirəm ki, bu, sizin Avropa Şurasıdır. Bu cür Avropa Şurasında işləmək istəmirəm”.
AŞPA-da Azərbaycan Nümayəndəliyinin üzvü Sevinc Fətəliyeva da hesabatla bağlı kəskin çıxış edib:
“Hesabatda məntiqi və ciddi yanaşmanın olmaması ölkəmə bəhtan atmaq, təşkilatdakı gündəmdən uzaqlaşdırmaq təəssüratı yaradır”.
Azərbaycan Prezidentinin İctimai-siyasi məsələlər üzrə köməkçisi Əli Həsənov qeyd edib ki, Qərbdə Azərbaycana qarşı ardıcıl və məqsədyönlü şəkildə fəaliyyət göstərən dairələr, onların nəzarətində olan təşkilatlar və media ölkəmizdə keçirilən mühüm tədbirlər ərəfəsində daha da fəallaşır və ciddi-cəhdlə həm Azərbaycanı, həm də həmin tədbiri qaralamağa çalışırlar.
Qeyd edək ki, Azərbaycanın Qərbdə nüfuzlu təşkilat və siyasətçilərlə işləməsi uzun illərdir erməni diasporu və onun himayədarlarını narahat edib.
Nümunə üçün, Metyu Brayzanın Azərbaycana səfir təyin edilməsi zamanı olduğu kimi, erməni lobbisi dəfələrlə ABŞ prezidentinin qərarını bloklaması məsələsində onlara qarşı araşdırma və ya sanksiyalar tətbiq olunmayıb.
Tərcümə: S.Xankişiyeva