Qriqoryanın itləri acından ölür
Heyvanların müdafiəsi qeyri-hökumət təşkilatı "Dinqo" polisə, Eçmiədzin meriyasına və digər aidiyyatlı qurumlara açıq məktub ünvanlayıb.
1news.az erməni mətbuatına istinadla xəbər verir ki, məktubda həbsdə olan general Manvel Qriqoryanın itlərinin sahibsiz qaldığı və acından uladıqları yazılıb.
"Dinqo" təşkilatı itlərə baxmağı öz üzərinə götürməyə və yeni sahib tapmağa hazır olduğunu bildirib.
O da qeyd edilib ki, bir həftə ərzində heyvanların vəziyyəti haqqında sorğuya heç bir dövlət orqanı cavab verməyib. Qeyri-rəsmi olaraq əldə edilmiş məlumata görə, Qriqoryanın ailəsi itlərə qayğı göstərmkdə davam edir. Ancaq mətbuatda itlərin acından uladığı yazılıb. Yenə rəsmi məlumat yoxdur.
"Açıq məktubla müraciət etməyə məcburuq, xahiş edirik ki, itlərin vəziyyəti haqqında qısa müddət ərzində məlumat verin", deyə təşkilatdan bildiriblər.
Xatırladaq ki, Manvel Qriqoryan itlərlə yanaşı, həyətində zooparkı olub və orada pələnglər, ayılar, ekzotik quşlar saxlanılırdı. Bu heyvanlar tələsik digər zooparka köçürülüb.
P.Sultanova
