Timsahın əlindən canını güclə qurtardı – VİDEO
Hər gün olduğu kimi, bu dəfə də başını timsahın geniş açılmış ağzına qoyaraq ölümcül riskli tryuku göstərmək istəyən təlimçi əməlinə peşman olub. Timsah qəflətən hücuma keçib və təlimçini parçalamaq istəyib.
1news.az-ın Milli.az-a istinadən verdiyi xəbərə görə, olay Taylandın şimalındakı Çianqray şəhərində, "Phokkathara Zoo" zooparkında yaşanıb.
45 yaşlı təlimçi Tao hər gün timsahlarla şou göstərirdi.
Şounun elementlərindən biri də Taonun yerə uzanaraq başını timsahın ağzına, nəhəng dişlərinin arasına qoyması idi.
Həmişə olduğu kimi, əli ilə timsahın dilinə toxunaraq onun "hazırlığını" yoxlamaq istəyən Tao bu dəfə ölümdən güclə qurtulub.
Timsah qəflətən onun qolundan yapışıb, təlimçisini parçalamaq istəyib.
Tao canını zorla qurtarıb.
1news.az
