Xətai rayonunda bu yollarda təmir işləri aparılır - FOTO | 1news.az | Xəbərlər
Cəmiyyət

Xətai rayonunda bu yollarda təmir işləri aparılır - FOTO

Qafar Ağayev12:57 - 11 / 06 / 2021
Xətai rayonunda bu yollarda təmir işləri aparılır - FOTO

2021-ci ilin investisiya proqramına uyğun olaraq, paytaxtın Xətai rayonu üzrə təmirə ehtiyacı olan ümumi uzunluğu 11,4 kilometrlik küçə və yolda təmir-tikinti işləri davam etdirilir. Bu çərçivədə Kazımağa Kərimov və Xudu Məmmədov küçələri əsaslı şəkildə təmir olunur.

Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən 1news.az-a verilən məlumata görə, uzunluğu 2,1 kilometr, eni ortalama 8-10 metr təşkil edən Kazımağa Kərimov küçəsində aparılan yenidənqurma işləri çərçivəsində küçəboyu köhnə asfalt-beton örtüyünün üst qatı frezlənərək kənara daşınıb, zəruri yerlərdə yararsız qrunt qazılaraq çıxarılıb, əks-dolğu işləri icra olunub. Hazırda küçəyə yeni asfalt-beton örtüyünün döşənməsi işləri həyata keçirilir. Təmir zamanı küçəboyu zəruri yerlərdə piyada səkiləri bərpa olunub, səkilərin hərəkət hissəsi asfaltlanıb, təmir işlərinin aparıldığı ərazidə köhnə səki daşları yenisi ilə əvəz edilib. Bu işlərə paralel olaraq küçəboyu səth sularının normal kənarlaşdırılması üçün nəzərdə tutulmuş yağış-kanalizasiya sistemi də bərpa olunaraq işlək vəziyyətə gətirilib, yeraltı kommunikasiya xətlərinə yeni baxış qapaqları qoyulub. Ümumilikdə, tikintinin aparılacağı ümumi sahə 24 min kvadratmetrdən çoxdur. Yuxarıda qeyd edilən təmir işləri artıq ərazinin 17 min kvadratmetrlik hissəsində yekunlaşmaq üzrədir.

Xətai rayonu üzrə təmir-tikinti işləri rayonun yol infrastrukturu baxımından ən işlək küçələrindən hesab olunan, keçdiyi ərazidə mühüm əhəmiyyətə malik Xudu Məmmədov küçəsində də aparılıb. Sözügedən küçənin təmir olunan hissəsinin uzunluğu 2,1 kilometr, eni isə ortalama 20 metrə qədər təşkil edir ki, burada da küçəyə iri və xırda dənəli olmaqla yeni asfalt-beton örtüyünün döşənməsi işləri aparılıb.

Sonuncu mərhələdə isə hər iki küçəboyu avtonəqliyyat vasitələrinin normal hərəkətinin üfüqi nişanlanma xətlərinin çəkilişi işləri aparılıb. İşlərin vaxtında yekunlaşdırılması üçün sözügedən ərazilərə lazımi sayda canlı qüvvə və texnika cəlb edilib.

Cari ildə İnvestisiya Proqramına uyğun olaraq, Xətai rayonu üzrə təmirə ehtiyacı olan digər küçə və yollarda da yenidənqurma işlərinin aparılması nəzərdə tutulur. Ümumiyyətlə isə Prezident İlham Əliyevin sərəncam və tapşırıqları əsasında agentlik tərəfindən Xətai rayonu ərazisində 2019-2020-ci illər ərzində ümumi uzunluğu 41,5 kilometr uzunluğunda olan 32 adda küçə və yolda təmir-tikinti işləri görülüb.

Paylaş:
48

Son xəbərlər

Azərbaycan 15 ermənini verib 97 min mina xəritəsini aldı12 / 06 / 2021, 19:43Qaydaları pozan sahibkarlar cərimələndi12 / 06 / 2021, 18:04Ceyhun Bayramov Birləşmiş Krallığın nümayəndə heyəti ilə görüşüb12 / 06 / 2021, 17:56Səudiyyə Ərəbistanı əcnəbi zəvvarlara Həcc ziyarətini qadağan edib12 / 06 / 2021, 17:50Cənub Okeanı beşinci okean kimi rəsmən təsdiqləndi12 / 06 / 2021, 17:39Müəllimlərin iş yerinin dəyişdirilməsi müsabiqəsinin nəticəsi açıqlandı12 / 06 / 2021, 17:12Azərbaycanda son sutkada koronavirusa yoluxanların sayı açıqlandı - STATİSTİKA12 / 06 / 2021, 16:45İlham Əliyev: Əgər Ermənistan müharibə istəyirsə, ötən ilin payızındakı eyni nəticəni əldə edəcək12 / 06 / 2021, 16:41Bakıdan Ağdama qədər: Azərbaycanın futbol arenaları – VİDEO12 / 06 / 2021, 16:24Azərbaycan Prezidenti: Ermənistan bizə basdırdıqları bütün yüz minlərlə minaların xəritəsini verməlidir12 / 06 / 2021, 16:17Yol polisi Bakı sakinlərinə müraciət etdi: Bu küçələr bağlıdır12 / 06 / 2021, 16:00Prezidenti İlham Əliyev Çingiz Qacarın ölümü ilə bağlı nekroloq imzalayıb12 / 06 / 2021, 15:52Prezident İlham Əliyev on ölkənin Azərbaycanda yeni təyin olunmuş qeyri-rezident səfirlərinin etimadnamələrini qəbul edib - FOTO - YENİLƏNİB12 / 06 / 2021, 15:39Babəkin heykəlinin Bakıda ucaldılmasının gecikmə səbəbləri açıqlanıb12 / 06 / 2021, 15:15İlham Əliyev İtaliyanın Azərbaycanda yeni təyin olunmuş səfirinin etimadnaməsini qəbul edib - YENİLƏNİB12 / 06 / 2021, 14:40"Matç TV" şərhçisi Azərbaycan qanunlarını pozmamalı idi - Jurnalist12 / 06 / 2021, 14:28Qacar nəslindən olan Akademik Çingiz Qacar vəfat etdi - II Fəxri xiyabanda torpağa tapşırılacaq12 / 06 / 2021, 13:50Bakıda yaşayış binasına atəş açan keçmiş məhkum saxlanılıb12 / 06 / 2021, 13:15Professor Aygün Attarın “Qarabağ Zəfəri - 44 günün pərdəarxası” adlı kitabı Türkiyədə işıq üzü gördü - FOTO12 / 06 / 2021, 12:54Sabahın havası: 34 dərəcə isti olacaq12 / 06 / 2021, 12:12
Bütün xəbərlər

Next TV