“Carlsberg Azerbaijan” yerli arpadan hazırlanmış “Xırdalan” pivəsinin istehsalına başlayıb - FOTO | 1news.az | Xəbərlər
İqtisadiyyat

“Carlsberg Azerbaijan” yerli arpadan hazırlanmış “Xırdalan” pivəsinin istehsalına başlayıb - FOTO

12:15 - 17 / 09 / 2021
“Carlsberg Azerbaijan” yerli arpadan hazırlanmış “Xırdalan” pivəsinin istehsalına başlayıb - FOTO

Ölkəmizdə ən böyük pivə istehsalçısı olan “Carlsberg Azerbaijan” şirkəti ilk dəfə yerli arpadan pivə istehsalına başlayıb. Sentyabrın 16-da zavodda pivə brendi “Xırdalan”ın yerli arpadan hazırlanmış ilk istehsal xəttinin açılışı olub.

Bununla bağlı keçirilən tədbirdə iqtisadiyyat naziri Mikayıl Cabbarov, Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili, “Carlsberg Group”un Mərkəzi və Şərqi Avropa regionu üzrə icraçı vitse-prezidenti Lars Lemann, “Carlsberg Azerbaijan”ın baş direktoru Vyaçeslav Maltsev və “Carlsberg Group”un regional nümayəndələri iştirak ediblər.

İqtisadiyyat naziri Mikayıl Cabbarov bu ilin may ayında İqtisadiyyat Nazirliyi və “Carlsberg Azerbaijan” arasında imzalanmış Anlaşma Memorandumuna uyğun olaraq həyata keçirilən tədbirlərin əhəmiyyətini vurğulayıb. Bildirilib ki, Nazirliklə şirkətin əməkdaşlığı “Made in Azerbaijan” brendli məhsulların xarici bazarlara daha çox çıxarılması və rəqabətqabiliyyətliliyinin təmin olunmasına xidmət edəcəkdir. İqtisadiyyat naziri qeyd edib ki, pivə istehsalı sahəsinə 55 milyon manatdan çox sərmayə yatıran “Carlsberg Azerbaijan” şirkətinin fəaliyyətinin genişləndirilməsi və xammal bazasının lokallaşdırılması diqqətəlayiq haldır. Bu layihə ölkəmizdə yerli xammala əsaslanan istehsalın inkişafı və yeni iş yerlərinin açılmasında özəl sektorun payının artması istiqamətində mühüm addımdır.

Milli Məclisin İqtisadi Siyasət, Sənaye və Sahibkarlıq Komitəsinin sədri Tahir Mirkişili Azərbaycanda əlverişli biznes və investisiya mühitinin olduğunu vurğulayıb, sahibkarlıq sahəsində aparılan islahatlar barədə məlumat verib.

“Carlsberg Group”un Mərkəzi və Şərqi Avropa regionu üzrə icraçı vitse-prezidenti Lars Lemann Azərbaycanda yetişdirilən arpanın şirkətin tətbiq etdiyi bütün standartlara cavab verdiyini bildirib, xammal bazasının lokallaşdırılma layihəsinin önəmini vurğulayaraq, bunun Azərbaycanda investisiya cəlbediciliyinin daha da artırılması üçün uğurlu təcrübə olduğunu qeyd edib.

“Calrsbeg Azerbaijan”ın baş direktoru Vyaçeslav Maltsev hazırda şirkətin tərəfdaşlarla birlikdə arpanın, həmçinin pivəbişirmə sənayesində istifadə edilən digər xammal növlərinin lokallaşdırılması üzərində çalışdığını bildirib. “Carlsberg Azerbaijan” və “AzərŞəkər” şirkətləri arpanın lokallaşdırılması üzrə pilot layihəsinə 2019-cu ildə start veriblər. Laborator tədqiqatlara əsaslanaq 2020-ci ildə əkin sahələri artırılıb. 2021-ci ildə yetişdirilmiş yerli arpadan pivə istehsalına başlanılıb. 2022-ci ildən başalayaraq istehsal prosesində bütövlükdə yerli arpadan istifadə olunması planlaşdırılır.

Qeyd: Carlsberg Azerbaijan” pivəbişirmə zavodunun illik istehsal gücü 8 milyon dekalitrdir. Şirkətdə 250-dək işçi çalışır və əlaqədar sahələrdə (təchizat, pərakəndə satış) 3000-dən çox iş yeri yaradılıb. Şirkətin məhsul portfelinə “Xırdalan”, “Carlsberg”, “Baltika”, “Əfsanə”, “Kronenbourg Blanc 1664”, “Seth&Riley's Garage” kimi markalar daxildir.

Reklam hüququnda

Paylaş:
157

Son xəbərlər

Ankarada Türkiyə və Azərbaycanın «Qardaşlıq dastanı» təqdim olundu - FOTO - VİDEO23 / 10 / 2021, 18:33Aslan Aslanov: Türk dünyasının güclənməsinin əhəmiyyətini ümummilli lideri Heydər Əliyev hələ illər öncə vurğulayıb23 / 10 / 2021, 18:01XİN Macarıstanı təbrik edib23 / 10 / 2021, 17:33İstanbulda Türkiyə-Azərbaycan Ortaq Media Platformasının ilk iclası keçirilib – FOTO23 / 10 / 2021, 17:16Mehriban Əliyeva Zəngilan səfərindən görüntü paylaşıb – VİDEO23 / 10 / 2021, 16:45Polad Bülbüloğlu: Canəli Əkbərovun vəfatı Azərbaycan incəsənəti üçün böyük itkidir23 / 10 / 2021, 16:22Bakıda saxta COVID-19 pasportu satan şəxslər saxlanılıb23 / 10 / 2021, 15:51Prezident İlham Əliyevin işğaldan azad edilmiş ərazilərin ictimaiyyət nümayəndələri ilə hər bir görüşü Böyük Qayıdışın təqdimatıdır23 / 10 / 2021, 15:01Azərbaycan və Monteneqro parlamentləri arasında əlaqələr müzakirə olunub – FOTO23 / 10 / 2021, 14:45Prezident və birinci xanım Canəli Əkbərovun vəfatı ilə əlaqədar nekroloq imzalayıblar23 / 10 / 2021, 14:33Xalq artisti Canəli Əkbərov dəfn olunub – FOTO23 / 10 / 2021, 14:13Xəzər dənizində tank əlehinə mina aşkarlanıb – VİDEO23 / 10 / 2021, 14:08Azad edilən ərazilərə icazəsiz daxil olan şəxslərin avtomobilində borular aşkarlanıb - FOTO23 / 10 / 2021, 13:46Azərbaycanda mobil operatorların gəlirləri açıqlanıb23 / 10 / 2021, 13:17Dünən COVID-19 pasportu olmadığına görə 216 nəfər toya buraxılmayıb23 / 10 / 2021, 13:00Bazar günü hava necə olacaq?23 / 10 / 2021, 12:14Türk Şurasının mediaforumunda "Birlikdən doğan Zəfər: Qarabağ" mövzusu müzakirə olunacaq – FOTO23 / 10 / 2021, 11:40Ermənistanla Azərbaycan arasında iki yeni sənədin imzalanması gözlənilir23 / 10 / 2021, 11:27Zakir Həsənov Laçında keçirilən komanda-qərargah təlimini izləyib – FOTO – VİDEO23 / 10 / 2021, 10:47Azərbaycanda bu il 57 partlayış hadisəsi baş verib, 9 nəfər həlak olub23 / 10 / 2021, 10:21
Bütün xəbərlər

Next TV