Millətlər Liqası: Azərbaycan yığmasının rəqibləri bəlli olub | 1news.az | Xəbərlər
Futbol

Millətlər Liqası: Azərbaycan yığmasının rəqibləri bəlli olub

09:02 - 17 / 12 / 2021
Millətlər Liqası: Azərbaycan yığmasının rəqibləri bəlli olub

İsveçrənin Nyon şəhərində Millətlər Liqasının 2022/23 mövsümün püşkatması keçirilib.

1news.az xəbər verir ki, püşkatma nəticəsində Canni de Byazinin çalışdırdığı Azərbaycan yığmasının Millətlər Liqasındakı rəqibləri bəlli olub.

Millimiz sayca üçüncü olacaq 2022/23 mövsümündə C liqasında mübarizə aparacaq. Püşkün nəticəsinə əsasən yığmamız 3-cü qrupda yer alıb.

Komandamızın rəqibləri Slovakiya, Belarus və Qazaxıstan/Moldova cütünün qalibi olacaq. Liqa oyunlarına gələn ilin iyununda start veriləcək. Həmin vaxt 4 tur baş tutacaq. Digər iki tur sentyabrda təşkil olunacaq.

Millimiz qrup qalibi olsa, 2024/25 mövsümündə B liqasında oynamaq imkanı qazanacaq. Sonuncu yer isə D liqasına düşməmək uçun pley-offda mübarizə aparmaqla nəticələnəcək.

Qeyd edək ki, yarış AVRO-2024-ün pley-offuna vəsiqə də verəcək. Lakin bunun detalları çempionatın əsasnaməsi təsdiqləndikdən sonra bəlli olacaq.

1news.az

Paylaş:
554

Son xəbərlər

Bütün xəbərlər