Məşhurlar Manaf Ağayevin həbsindən yazdılar: Əfv olunmasını xahiş edirik | 1news.az | Xəbərlər
Mədəniyyət

Məşhurlar Manaf Ağayevin həbsindən yazdılar: Əfv olunmasını xahiş edirik

S.Xankişiyeva11:41 - 19 / 02 / 2022
Məşhurlar Manaf Ağayevin həbsindən yazdılar: Əfv olunmasını xahiş edirik

Ötən gün müğənni Manaf Ağayev və Sənan Hüseynov 15 sutka həbs edilib. Bununla bağlı Yasamal Rayon Məhkəməsi qərar çıxarıb. İfaçının sənət dostları onun həbsi ilə bağlı paylaşım ediblər. "Qanunlara tabe olmaq lazımdır" deyən şou əhli eyni zamanda Ağayevin həbs olunmasını istəmədiklərini bildiriblər.

1news.az-ın BAKU.WS-ə istinadla verdiyi xəbərə görə, məşhurların həmin paylaşımlarını təqdim edir:

Müğənni Elçin Hüseynov

"Bu gün səhərdən sosial şəbəkələri izləyirəm. Manaf Ağayev və dostumuz Sənan Hüseynov barədə yazılan yazıları görürəm. Bir çox izləyicilər ağızlarına gələni yazıblar. Manaf da, Sənan da bizim düşmənimiz deyil. Azərbaycan xalqının dəyərli oğullarıdır. Neqativ rəy yazanlar, sizə ayıb olsun. İçinizdəki insanlıq hissi ölüb? Onların da ailəsi, övladları yaxınları var. Birinə bir təhqir yazanda düşünün özünüz kimsiniz? Tamam, anlayırıq ki, qanun hamı üçün qanundur. Manaf Ağayev illərin sənətkarıdır. Dövlətimizin siyasətini dəstəkləyən bir sənətkar kimi aidiyyəti orqanlardan Manaf və Sənan qardaşımızın mümkün qədər əfv olunmasını xahiş edirəm".

Aktrisa Çimnaz Sultanova

"Aydın məsələdir ki, qanun hamıya qanundur! Amma məni yandıran odur ki, insanlar necə Manafın tutulmağına sevinə bilərlər? Komentləri oxuyub dəhşətə gəlirəm! Ayıb deyil sizə, vicdansızlar? Bu insan yaxşılıqdan başqa nə edib sizə? Siz heç bilirsiniz ki, Manaf özü və onun dostu Sənan nə qədər yetimlərə, kasıblara kömək ediblər? Manafın bu gününə sevinən ermənidir, vətən xainidir".

Xalq artisti Niyammədin Musayev

“Manafın özünü də, sənətini də sevirəm. Ancaq dövlətin qanunları var, onu pozmaq olmaz. Qanunlara tabe olmaq lazımdır. Onlar özbaşına getdiyi üçün cəzalandırılıblar. Bizim nəsə xahiş etməyimiz düzgün deyil. Deyəcəklər ki, müğənnilərin hamısı qanunu bilmir və qaydaları pozurlar”.

Əməkdar artist Nüşabə Ələsgərli

"Manaf Ağayev və Sənan dostumuz hər kəsə yardım edən insanlardır. Əgər bu gün bilmədən səhv edib, müvafiq icazələri olmadan işğaldan azad edilmiş ərazilərə gediblərsə, qanun nə tələb edirsə, o da olmalıdır. Füzuli həm Manafın, həm də Sənanın doğma rayonudur. Eybi yox, amma artıq söhbətlərə və şərhlərə ehtiyac yoxdur. Onlar Azərbaycan oğullarıdır. Qanun şahdır, vəssalam. Heç kəs sevinməsin, onları sevirik, qəlbimizdədirlər. Qapıları açıq olsun".

Müğənni Eldəniz Məmmədov

“Allah köməyi olsun, tezliklə azadlıqda görək. Səfərlə bağlı danışarkən qanunsuz sözünü işlətmək düzgün deyil. Quş olub uçub getməyib ki, postlardan keçib gedib. Hava limanına o cür girişi ajiotaj yaradıb. Ola bilsin ki, bu, qeyri-qanuni sayıla bilər. Bəzi işlər var ki, Manaf tərəfindən düzgün yerinə yetirilməyib. O məsələni açıqlamırlar, qanunsuz deyirlər”.

Müğənni Afət Fərmanqızı

Manaf Ağayev hər zaman dövlətini sevən insan olub, amma qanun qarşısında hər birimizin boynu qıldan incədir. Xahiş edirəm izləyicilərdən, bu məsələ ilə bağlı videolarda təhqirə yol verməyin.

Müğənni Nadir Qafarzadə

"Dəyərli dost, yaxşı sənətkar. Sən ürəksən, Manaf Ağayev. Həmişə toylarda". Qeyd edək ki, bir neçə dəqiqə sonra sənətçi bu paylaşımını silib.

Məlumat üçün bildirək ki, iki gün əvvəl sosial şəbəkələrdə müğənni M.Ağayevin işğaldan azad edilmiş ərazilərə səfər etməsini əks etdirən görüntülər yayılmışdı. Daha sonra Bakı şəhəri ərazisində M.Ağayev və onun yanındakı vətəndaş S.Hüseynov polis idarəsinə dəvət olunublar.

Aparılan araşdırmalar nəticəsində məlum olub ki, onlar işğaldan azad olunmuş ərazilərə qanunsuz yolla daxil olublar. Bununla bağlı onların izahatları alınıb. Hər ikisi saxlanılıb.

Mövzu ilə əlaqədar oxuyun:

Manaf Ağayev saxlanılıb

“Mən ayda 1-2 dəfə Füzuliyə gedirəm” - Manaf Ağayevdən açıqlama

“AA” seriyalı avtomobil nömrələri ancaq dövlət qurumlarına verilir? - Araşdırma

Paylaş:
1469

Son xəbərlər

Milli Məclisin deputatı Özbəkistana səfər edəcəkBu gün, 17:00Meteohəssas insanların diqqətinə!Bu gün, 16:59Cəlillabadda məktəb direktorunun məhkəməsi başlayırBu gün, 16:44Sumqayıtda fəhlə işlədiyi zavodda ölübBu gün, 16:41Nobel Mükafatı Laureatı, professor Muhammad Yunus UNEC Rektoruna müraciət edibBu gün, 16:29ADY-nin Bakıətrafı sərnişindaşıma xidmətinin qismən subsidiyalaşdırılmasına başlanılırBu gün, 16:22Güclü külək əsəcək - XƏBƏRDARLIQBu gün, 16:15Bakının mərkəzində qəza sıxlığa səbəb olduBu gün, 16:01Havada toz müşahidə olunurBu gün, 15:418 Noyabr prospektində əsaslı təmir işləri aparılır - FOTOBu gün, 15:32Bu gündən 181 avtobus yeni nəqliyyat mübadilə mərkəzindən hərəkət edəcəkBu gün, 15:21Azərbaycanın səfiri etimadnaməsini Ekvador Prezidentinə təqdim edibBu gün, 15:10Sahil Babayev Neftçalada vətəndaşları qəbul edibBu gün, 14:54Laçında uşaqların kompleks tibbi müayinəsi aparılıb - FOTOBu gün, 14:43Salyan sakinindən 2 kiloqramdan artıq heroin götürülübBu gün, 14:22Fövqəladə Hallar Nazirliyi tərəfindən daha bir qanunsuz tikili sökülübBu gün, 13:59Deputat: “Dünyada pensiya yaşının azaldılması yox, artırılması müzakirə olunur”Bu gün, 13:45Növbəti köç karvanı Füzuliyə çatıb, mənzillərin açarları təqdim edilib - YENİLƏNİB 1Bu gün, 13:41Bu şəxslərin təhsil haqqını dövlət ödəyəcəkBu gün, 13:34“Əlavə kassasiya qaydasında verilən şikayətlər əksər hallarda təmin olunmur” - Vəkillərdən ŞƏRHBu gün, 13:20
Bütün xəbərlər