“Exo Moskvı” radiostansiyası ləğv olunub
Rusiyanın məşhur “Exo Moskvı” radiostansiyasının ləğv olunması haqqında qərar qəbul olunub.
1news.az-ın APA-ya istinadla verdiyi xəbərə görə, bu barədə radionun baş direktoru Aleksey Venediktov öz “Telegram” kanalında yazıb.
“Direktorlar şurasının səs çoxluğu ilə “Exo Moskvı” radiokanalının və saytının ləğvi barədə qərar qəbul olunub”, - Venediktov bildirib.
O, bu barədə radionun daxil olduğu “Qazprom”un İdarə Heyətinin Direktorlar Şurası tərəfindən qərar qəbul olunduğunu açıqlayıb.
Qeyd edək ki, “Exo Moskvı” radiostansiyasının yayımı dünən dayandırılıb.
Bundan bir qədər əvvəl Baş Prokurorluq “Exo Moskvı” və “Dojd” telekanalının saytlarının bağlanacağı və bloklanacağı ilə bağlı xəbərdarlıq etmişdi.
Baş Prokurorluq hər iki media orqanının Rusiyanın Ukraynadakı hərbi əməliyyatları ilə bağlı yalan məlumat yaydığını açıqlamışdı.
Mövzu ilə əlaqədar oxuyun:
Zelenski: Bir həftədə Rusiya ordusunun 9 min hərbçisi öldürülüb
Azərbaycan və Ukrayna Prezidentləri telefonla danışıb - FOTO
Çavuşoğlu: Ukraynadan azərbaycanlıların da daxil olduğu 2604 qardaşımız yola düşüb - FOTO
Ukraynada müharibənin yeddinci günü - FOTOREPORTAJ
Zelenski: Ordu ilə birlikdə Ukraynanı müdafiə edəcəyik - VİDEO
