Çempionlar Liqası: “Real” yarımfinalda, “Bavariya” mübarizəni dayandırdı
Futbol üzrə Çempionlar Liqasının 1/4 final mərhələsinin cavab oyunları keçirilib.
1news.az xəbər verir ki, İspaniya təmsilçiləri "Real" və "Villareal" yarımfinala vəsiqə qazanıb.
"Real"-"Çelsi" qarşılaşması İngiltərə təmsilçisinin 3:2 hesablı qələbəsi ilə nəticələnsə də, iki oyunun nəticəsinə görə "Real" növbəti mərhələyə çıxıb. İlk oyunda "Real" səfərdə "Çelsi"yə 3:1 hesabı ilə qalib gəlmişdi.
Digər oyunda Münhenin "Bayern" komandası öz meydanında "Villareal"ın müqavimətini qıra bilməyib. Oyun 1:1 olub. İlk oyunda "Bayern"i 1:0 hesabı ilə məğlub etmiş İspaniya təmsilçisi iki oyunun nəticəsinə görə yarımfinala vəsiqə qazanıb.
Qeyd edək ki, digər yarımfinal oyunları bu gün keçiriləcək. "Atletiko" Madrid "Mançester Siti" ilə (ilk oyun 0:1), "Liverpul" isə "Benfika" ilə (ilk oyun 3:1) qarşılaşacaq.
1news.az
