Qazimiz Müstəqillik Günündə qızıl medal qazanıb - FOTO

Milli Paralimpiya Komitəsinin atletika idman növü üzrə milli komandanın üzvü, Qarabağ qazisi Rasim Yaxin İsveçrənin Nottvil şəhərində keçirilən Qran-pridə qızıl medal qazanıb.

Milli Paralimpiya Komitəsindən 1news.az-a verilən məlumata görə, nüvə itələmə növündə (F46) 11.71 metr nəticə göstərən idmançı fəxri kürsünün ən yüksək pilləsinə qalxıb.

Qeyd edək ki, Rasim Yaxin 44 günlük Vətən müharibəsinin də iştirakçısı olub. Daxili Qoşunların Xüsusi Təyinatlı Qüvvələrinin tərkibində Murov, Cəbrayıl, Füzuli, Xocavənd və Şuşa uğrunda döyüşlərdə iştirak edib. Şuşa uğrunda gedən hərbi əməliyyatlarda yaralanıb.