İranın Qafandakı konsulu işə başladı

Abedin Varamin İranın Ermənistanın Qafan şəhərində Baş konsulu təyin edilib.

1news.az APA-ya istinadən xəbər verir ki, bunu Ermənistan mətbuatına İran parlamentinin deputatı Robert Beqlaryan bildirib.

Deputat bildirib ki, Baş konsul artıq İrəvandadır, bir sıra görüşlər keçirib və vəzifəsinin icrasına başlayıb.

Bununla yanaşı, Beqlaryan əlavə edib ki, bürokratik maneələr diplomatın öz missiyasını tam şəkildə icra etməsinə mane olur: "Məndə olan məlumata görə, Baş konsulluğun yerləşəcəyi bina hələ hazır deyil".

1news.az