Müdafiə Nazirliyi: “Azərbaycan Ordusunun hərbi qulluqçusu qəzada həlak olub”

Avqustun 26-sı günorta saatlarında Goranboy rayonu ərazisində baş vermiş avtoqəza nəticəsində Azərbaycan Ordusunun hərbi qulluqçusu Ərəblinski Vahid Mahir oğlunun həlak olması ilə bağlı məlumatı təsdiq edirik.

Müdafiə Nazirliyindən (MN) 1news.az-a verilən məlumata görə, faktla bağlı araşdırma aparılır.

Nazirliyin rəhbərliyi hərbi qulluqçumuzun yaxınlarına dərin hüznlə başsağlığı verir və səbir diləyir.

Allah rəhmət eləsin!

1news.az