Türkiyədə zəlzələdə ölənlərin sayı 5434-ə çatıb - YENİLƏNİB 3
Türkiyədə zəlzələ nəticəsində ölənlərin sayı 5 434-ə yüksəlib.
1news.az xəbər verir ki, bunu Türkiyə səhiyyə naziri Fahrettin Koca açıqlayıb.
Onun sözlərinə görə, yaralıların sayı 31 777 nəfərə çatıb.
***
Türkiyədə zəlzələ nəticəsində ölənlərin sayı 3419 nəfərə yüksəlib.
1news.az Türkiyə KİV-lərinə istinadən xəbər verir ki, bunu Türkiyənin vitse-prezidenti Fuat Oktay jurnalistlərə açıqlamasında deyib.
"7,7 bal gücündə baş verən zəlzələdə ölənlərin sayı nəfər 3419 nəfərə yüksəlib, yaralıların 20534 nəfərə çatıb. 8 mindən çox şəxs dağıntılar altından xilas edilib", - deyə o qeyd edib.
***
10:44
Türkiyədə zəlzələdə ölən və yaralananların sayı artıb.
1news.az xəbər verir ki, AFAD-ın nümayəndəsi bildirib ki, 3 381 nəfər həyatını itirib.
Qeyd edilib ki, 20436 yaralı var. Zəlzələ nəticəsindı 5775 bina dağılıb, 11302 bina ciddi zədələnib.
***
09:24
Türkiyədə zəlzələ nəticəsində ölənlərin və xəsarət alanların sayı artıb.
1news.az Türkiyə KİV-lərinə istinadən verdiyi məlumata görə, bu barədə Türkiyənin vitse-prezidenti Fuat Oktay deyib.
O bildirib ki, indiyədək olan məlumatlara görə hadisə nəticəsində 2379 nəfər vəfat edib, xəsarət alanların sayı isə 14483 nəfərə çatıb. Dağıntılar altından 7840 nəfər çıxarılıb.
