Ərdoğan İlon Maskla görüş keçirdi - FOTO
Türkiyə Prezidenti Rəcəb Tayyib Ərdoğan amerikalı sahibkar, "Tesla" və "SpaceX" şirkətlərinin rəhbəri İlon Maskla görüşüb.
1news.az Türkiyə KİV-lərinə istinadən xəbər verir ki, görüş Nyu-York şəhərində fəaliyyət göstərən "Türk Evi"ndə baş tutub.
Mask, qəbula oğluyla gəlib.
Mətbuata qapalı görüşdə, Türkiyənin Xarici işlər naziri Hakan Fidan, sənaye və texnologiya naziri Mehmet Fatih Kaçır, Türkiyə Böyük Millət Məclisinin Sənaye, Ticarət, Enerji, Təbii Sərvətlər, İnformasiya və Texnologiyalar Komissiyasının sədri Mustafa Varank və Prezidentin Rəqəmsal Çevrilmə İdarəsinin sədri Ali Taha Koç da iştirak ediblər.
Qeyd edək ki, Türkiyə Prezidenti BMT Baş Assambleyasınln 78-ci sessiyasında iştirak etmək üçün Nyu-Yorka işgüzar səfərə gedib. O, səfər çərçivəsində ABŞ Prezidenti Co Bayden, BMT baş katibi Antoniu Quttereş, eləcə də, bir sıra ölkə liderləri və hökumət nümayəndələri ilə görüşəcək. Prezidentin səfəri sentyabrın 20-də yekunlaşacaq.
