1news.az

Azərbaycanlı məktəblinin qeyri-adi bacarığı: rekorda imza atmaq istəyir - VİDEO

24 Fevral saat 15:39 ~ 1 dəqiqəlik oxu 6410
Azərbaycanlı məktəblinin qeyri-adi bacarığı: rekorda imza atmaq istəyir - VİDEO

On iki yaşlı qubalı məktəbli Yusif Əliyev kubik-rubikin sürətli yığılması üzrə yeni rekorda imza atmaq istəyir.

1news.az-ın AZƏRTAC-a istinadən verdiyi xəbərə görə, Quba şəhər Zaur Cəfərov adına 3 saylı tam orta məktəbin yeddinci sinfində oxuyan Yusif Əliyev artıq iki ilə yaxındır kubik-rubik yığılmasına həvəs göstərir.

Yusifdə bu hobbisinə maraq internetdə rekordlarla bağlı videoları izlədikdən sonra yaranıb və atasından müxtəlif formalı kubik-rubiklər almasını xahiş edib. Hazırda ona istənilən kubik-rubikin yığılması üçün saniyələr bəs edir. İlk dəfə 1 dəqiqə 30 saniyəyə yığdığı kubik-rubikə indi cəmi 15 saniyə vaxt sərf edir. Yusif Əliyev bu istedadını daha da inkişaf etdirib 5-6 saniyəlik nəticələr əldə etmək əzmindədir.

İstedadlı məktəbli gələcəkdə Azərbaycanda və ölkəmizdən kənarda kubik-rubikin sürətli yığılması üzrə yarışlarda iştirak etmək istəyir.

"Kubik-rubiki sürətli yığmaq üçün əvvəlcə çoxsaylı alqoritm və formulaları öyrənmək lazımdır. Hazırda dünya rekordları 3-4 saniyələrlə ölçülür. Mən də bu nəticəyə nail olmaq istəyirəm", - deyə Yusif Əliyev söyləyib.

Dərslərini yaxşı oxuyan Yusif böyüyəndə həkim olmaq istəyir.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net