1news.az

LSS MFL 2019/20 Liqasının XVIII turu: “Kontakt Home” xal itirdi, “Keşlə İMSİ” bir qola sevindi – FOTO – VİDEO

24 Yanvar saat 15:40 ~ 3 dəqiqəlik oxu 513
LSS MFL 2019/20 Liqasının XVIII turu: “Kontakt Home” xal itirdi, “Keşlə İMSİ” bir qola sevindi – FOTO – VİDEO

Azərbaycanın futbol üzrə ən böyük həvəskarlar liqası olan LSS MFL 2019/20-də 18-ci turun oyunları keçirilib.

1news.az-ın verdiyi xəbərə görə, həm İnfinity, həm də Platinum konferensiyalarında çıxış edən komandalar arasında “MFL Arena”nın meydanlarında keçirilən görüşlər hər zamankı kimi gərgin mübarizə şəraitində keçib.

Qeyd edək ki, 18-ci turda İnfinity konferensiyasının ən qollu qarşılaşması “Driffters” və “Army United” komandaları arasında keçirilən görüşdə qeydə alınıb – 14 qol. İkincilər 11:3 hesabı ilə qalib gələrək aktivlərinə 3 xalı əlavə ediblər. “Baku Juniors” – “Kontakt Home” qarşılaşması isə 1:1 hesablı bərabərliklə başa çatıb.

18-cü turda Platinum konferensiyasında “Lokomotiv Baku” növbəti qələbəsini “Rəcəbspor” üzərində qazandı – 6:3. “Maisan” – “Borussia Baku” görüşü də qollu alındı. Gərgin mübarizə şəraitində keçən qarşılaşma birincilərin 4:3 hesablı qələbəsi ilə başa çatdı. “Binə” – “Keşlə İMSİ” matçının taleyini isə bir qol həll etdi.

Son oyunda qalib gələn “Keşlə” İMSİ komandası aktivindəki xalların sayını 39-a yüksəltdi.

“Keşlə” İMSİ komandasının qələbə sevinci

“Lokomotiv Baku” XVIII turun vacib matçında növbəti 3 xalı statistikasına yazdırmaqla öz statistikasını və ilk üçlükdəki yerini daha da möhkəmləndirdi.

18-ci turun ən yaddaqalan məqamlarını və qısa icmalını təqdim edirik:

 

Geridə qalan 18 turdan sonra MFL 2019/2020-ci il mövsümünün İnfinity konferensiyasında ilk 8-lik belədir:

Turnir cədvəlinin tamamına burada baxa bilərsiniz.

Geridə qalan 18 turdan sonra MFL 2019/2020-ci il mövsümünün Platinum konferensiyasında ilk 8-lik belədir:

Turnir cədvəlinin tamamına burada baxa bilərsiniz.

18 turdan sonra hər iki konferensiyadan play-off-a namizəd olan komandaların “Top-16”lığını təqdim edirik:

Qeyd edək ki, ən az qol buraxan qapıçıya mövsümün sonunda GoSport tərəfindən əlcək dəsti, idman çantası və 200 AZN hədiyyə olunacaq!

Qeyd edək ki, ən çox məhsuldar ötürmə edən oyunçuya mövsümün sonunda GoSport tərəfindən futbol corabları (getri), qoruyucu və 200 AZN hədiyyə olunacaq!

Qeyd edək ki, liqanın bombardirinə GoSport tərəfindən futbol ayaqqabıları və 200 AZN hədiyyə təqdim olunacaq!

Qeyd edək ki, liqanın ən dəyərli oyunçusuna GoSport tərəfindən futbol ayaqqabıları və 300 AZN hədiyyə olunacaq!

Qeyd edək ki, “Fair Play” qaydasına riayət edən komandaya gələn mövsüm MFL-də pulsuz iştirak etmək şansı veriləcək!

Qeyd edək ki, DREAM TEAM adlanan simvolik yığmanın heyətində düşə biləcək hər bir oyunçuya idman geyimi və 200 AZN hədiyyə olunacaq!

LSS MFL 2019/20 Liqası – Leading Supply Solutions LLC, BOS SHELF LLC, McDonald's Azerbaijan, Muğanbank, Sabah Futbol Klubu, Carlsberg AzerbaijanGoSport Baku-nun sponsorluğu ilə keçirilir.

Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net