1news.az

Türkiyə mediası Azərbaycan Prezidentinin köməkçisinin Ermənistanın Gəncəyə raket zərbəsi endirməsinə dair açıqlamasını yayıb

17 Oktyabr saat 18:47 ~ 1 dəqiqəlik oxu 1750
Türkiyə mediası Azərbaycan Prezidentinin köməkçisinin Ermənistanın Gəncəyə raket zərbəsi endirməsinə dair açıqlamasını yayıb

Türkiyənin kütləvi informasiya vasitələri (KİV) Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevin Ermənistanın Gəncə şəhərinə növbəti raket hücumları ilə bağlı açıqlamasını geniş şəkildə işıqlandırıb.

AZƏRTAC xəbər verir ki, qardaş ölkənin aparıcı telekanalları Prezidentin köməkçisinin fikirlərini video və yazılı məlumatlarla dünya ictimaiyyətinə çatdırmaqdadır.

İnformasiyalarda bildirilib ki, Ermənistan vandalizm hərəkətləri ilə nasist Almaniyasının fəaliyyətini davam etdirdiyini təsdiqləyir. Ermənistan silahlı qüvvələrinin beynəlxalq hüquqa zidd olaraq oktyabrın 17-də Gəncə şəhərinin “SCUD/Elbrus” əməliyyat-taktiki ballistik raketlərlə hədəfə alıb. Bu təxribatlar nəticəsində 2-si uşaq olmaqla, 13 nəfər həlak olub, 50-dən çox insan yaralanıb.

Qeyd edək ki, Türkiyənin aparıcı telekanalları, informasiya agentlikləri və qəzetlər, o cümlədən regionla xəbər portalları və digər media quruluşları fasiləsiz olaraq Azərbaycan həqiqətləri ilə bağlı məlumatları, eləcə də Gəncəyə qarşı xain erməni hücumu barədə xəbərləri paylaşırlar.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net