İran Ermənistan üzərindən Gürcüstana qaz verəcək

İranın təbii qazının Ermənistan ərazisindən keçməklə Gürcüstana nəqlinə dair Tehran Tbilisi ilə danışıqlar aparır.

1news.az-ın “Report”-a istinadən verdiyi xəbərə görə, bunu İranın “İran Milli Qaz Şirkəti”nin təmsilçisi Əlirza Kamali bildirib.

“Gürcüstanla əldə edilən razılaşmaya əsasən, təbii qazı Ermənistan sərhədində çatdırmalıyıq. Gürcüstan isə həmin yanacağı Ermənistanla sərhədində təhvil alacaq”- deyə, o söyləyib.

Ə.Kamali bildirib ki, Gürcüstana ötürüləcək təbii qaz Avropaya nəql edilmək üçün deyil, ölkənin daxili tələbatının ödənilməsindən ötrü nəzərdə tutulub.

Məlumata görə, İran 300-500 milyon kub fut (1000 kubmetr - 28,3 kub futdur) həcmində təbii qaz ötürəcək.

1news.az