Robert Sekuta: “ATƏT-in Minsk qrupu həmsədrlərinin əsas məqsədi hərtərəfli sülh sazişi üzrə danışıqlara nail olmaqdır”
“Həmsədrlərin əsas məqsədi Vyanada əldə olunan irəliləyişi daha da inkişaf etdirməkdir, habelə hərtərəfli sülh sazişi üzrə danışıqlara nail olmaqdır”.
Bunu ABŞ-ın Azərbaycandakı səfiri Robert Sekuta Dağlıq Qarabağ üzrə danışıqları şərh edərkən deyib.
Ötən gün həmsədrlərin Brüsseldə Elmar Məmmədyarovla görüşdüyünü xatırladan səfir vasitəçilərin sabah Ermənistan xarici işlər naziri ilə görüşəcəyini əlavə edib.
Xatırladaq ki, Dağlıq Qarabağ və ona bitişik yeddi rayon - Azərbaycanın 20% ərazisi erməni silahlı qüvvələrinin işğalı altındadır.
ATƏT-in Minsk qrupu Ermənistan və Azərbaycan arasında Dağlıq Qarabağ münaqişəsinin nizamlanması prosesində əsas danışıqlar platformasıdır. Lakin həmsədrlərin bütün səylərinə bamayaraq münaqişə 20 ildən artıqdır ki, həll olunmayaraq qalır.
1news.az
