Türkiyə və Rusiya prezidentlərinin yaxın perspektivdə şəsxi görüşü baş tuta bilər
Rusiya tərəfinin təşəbbüsü ilə Vladimir Putin və Rəcəp Tayip Ərdoğan arasında telefon danışığı baş tutub.
1news.az-ın Rusiya prezidentinin rəsmi saytına istinadən verdiyi məlumata əsasən, V.Putin İstanbulda baş verən terror aktları ilə bağlı dərin hüznlə başsağlığı verib, teraktların qurbanlarının yaxınlarının kədərini bölüşdüyünü bildirib və yaralananlara şəfa diləyib.
Hər iki tərəf terror təhlükəsinə qarşı mübarizədə beynalxalq əməkdaşlığının fəallaşmasının zəruri olduğunu vurğulayıb.
Putin, Türkiyə prezidentinin göndərdiyi ismarıcın ikitərəfli münasibətlərdə krizis səhifəsini arxada qoymağa, beynəlxalq və regional problematikada birgə işin yenilənmə prosesinin başlanmasına və Rusiya-Türkiyə əlaqələrinin kompleksli şəkildə inkişafına zəmin yaratdığını deyib.
Bu konteksdə, rusiyalı pilotun ölümündə günahlandırılan Türkiyə vətəndaşı barəsində başlayan məhkəmə istintaqının obyektiv xarakter daşıyacağına ümid ifadə edilib.
Rusiyanın prezidenti, hökümətə Türkiyənin müvafiq qurumları ilə danışıqlara girərək iqtisadi-ticari və digər sahələrdə qarşılıqlı faydalı ikitərəfli əməkdaşlığı bərpa etmək barədə tapşırıq verdiyini bildirib.
Bunun, rusiyalı turistlərin Türkiyəyə səfər etməsinə qoyulan məhdudiyyətlərin qaldırılması ilə bağlı olduğu vurğulanır.
“Yaxşı olardı ki, Türkiyə höküməti də öz növbəsində turistlərin Türkiyə ərazisində olarkən təhlükəsizliyini təmin etməyə yönələn əlavə addımlar atsın.
İki ölkənin XİN rəhbərlərinin iyulun 1-i Soçidə keçiriləcək Qara Dəniz İqtisadi Əməkdaşlıq Təşkilatının toplantısını çərçivəsində görüş keçirəcəkləri barədə razılıq əldə olunub. Bu görüşdə bölgədə vəziyyət, Suriya məsələsi və iki ölkə arasında əlaqələrin inkişafı ilə bağlı məsələlər müzakirə olunacaq.
Türkiyə və Rusiya prezidentləri yaxın perspektivdə şəsxi görüşün keçirilməsinin mümkünlüyünü gözdən keçirmək barədə razılığa gəliblər.
Ümumi olaraq, danışıqlar işgüzar və konstruktiv xarakter daşıyıb və ənənvi dostluq xarakteri daşıyan çoxşaxəli ikitərəfli əməkdaşlığın bərbasına yönəlib”, - deyə, məlumatda qeyd edilir.
Mövzu ilə əlaqədar oxuyun:
Putinlə Ərdoğan arasında telefon danışığı başlayıb
Azərbaycan XİN-i İstanbulda baş verən terror aktlarını lənətləyir
İstanbulda həyata keçirilən teraktın qurbanlarının sayı artıb – FOTO - VİDEO - YENİLƏNİB
1news.az
