İstanbul aeroportunda faciə: 10 gün sonra toyları olacaqdı, amma bu, baş tutmayacaq... - FOTO

Yaxınları Atatürk beynəlxalq aeropotunda baş verən terror aktı zamanı həlak olanların nəşini gözləyir. Artıq 18 nəş tanınaraq yaxınlarına təhvil verilib.

1news.az-ın verdiyi xəbərə görə, bu haqda NTV kanalı məlumat yayır.

Həlak olanlardan biri – aeroportda çalışan Yusif Həznədaroğlu nişanlı idi və 10 gündən sonra onun toyu olacaqdı.

Yaxınlarının sözlərinə görə, Yusif xəstəxanaya gətiriləndə onun vəziyyəti ağır idi. Lakin həkimlərin səyinə baxmayaraq Yusifin həyatını xilas etmək mümkün olmadı.

“Biz yalnız bunları bilirik. İndi isə onun nəşinin verilməsini gözləyirik. Güllə yarası alan dostları da onunla birlikdə idi. 10 gündən sonra onun toy mərasimi baş tutmalı idi, təəssüflər olsun ki, bu, olmayacaq”.

Həlak olanlara arasında Öznur Burakçının atası Mustafa Bıyıklı da var.

“Danışa bilmirəm. Çox insan xəsarət alıb. Bu müqəddəs ayda terrorçular onları məhv etdi. Bu, ədalətsizlikdir”, -  o, göz yaşlarını güclə saxlayırdı.

Onun sözlərinə görə, atasını bir neçə gün öncə görmüşdü:

“İndi onunla bir daha görüşə bilməyəcəyik. Terror hadisəsi baş verəndə atamı axtarmağa başladıq. Ona zəng etdik, lakin o, telefonu açmadı”.

Xatırladaq ki, iyunun 28-də İstanbulun Atatürk Hava Limanının xarici xətlər terminalında baş verən terror aktı nəticəsində 36 nəfər həlak olub, 147 nəfər müxtəlif dərəcəli xəsarət alıb.

İlkin ehtimala görə, hadisəni PKK terror qruplaşması həyata keçirib.

Hava Limanının girişində və terminalın parklanmasında kamikadze odlu silahdan atəş açaraq partlayıcı qurğunu işə salıb. 

Həmçinin Türkiyənin Baş naziri Binəli Yıldırım hadisəni törətməkdə İŞİD terrorçu qruplaşmasının törətdiyini də bəyan etmişdi.

1news.az