“Turkish Airlines” Bakı, Gəncə və Naxçıvandan İstanbula uçuşlarla bağlı xüsusi aksiyaya başlayır

“Turkish Airlines” (Türk Hava Yolları) şirkəti Bakı, Gəncə və Naxçıvandan İstanbula və əks istiqamətdə uçuşlarla bağlı xüsusi aksiyaya start verir.

Şirkətin rəsmi saytında yerləşdirilən məlumatda qeyd edilir ki, aksiya çərçivəsində Gəncə-İstanbul, Naxçıvan-İstanbul və əks istiqamətlərdə uçuşların qiyməti 119 avro təşkil edir.  

Bakı-İstanbul-Bakı reyslərinin qiyməti isə 159 avrodan başlayır.

Biletlər bu ilin fevralın 19-na kimi satılır. Uçuşlar isə fevralın 9-dan aprelin 30-na kimi həyata keçiriləcək.

Biletlər ən azı 10 gün əvvəl əldə edilməlidir.

Ölkədə qalmaq müddəti 2 gündən 1 aya qədər ola bilər.

1news.az