Bağlanan bankların əmanətçilərinə 723 milyon manatdan çox kompensasiya ödənilib
Əmanətlərin Sığortalanması Fondu (ƏSF) tərəfindən fevralın 1–də “Parabank” ASC-nin qorunan əmanətçilərinə 43 milyon 135 min manat (ümumi kompensasiya öhdəliyinin 98,3 faizi), “Zaminbank” ASC-nin əmanətçilərinə 53 milyon 383 min manat (ümumi kompensasiya öhdəliyinin 73 faizi), “Kredobank” ASC-nin əmanətçilərinə 27 milyon 770 min manat (ümumi kompensasiya öhdəliyinin 99,5 faizi) və “Dekabank” ASC-nin əmanətçilərinə isə 3 milyon 086 min manatdan (ümumi kompensasiya öhdəliyinin 98,7 faizi) artıq kompensasiya ödənilib.
1news.az-a Fonddan verilən xəbərə görə, 4 bank üzrə ümumilikdə 127 milyon 374 min manatdan artıq kompensasiya ödənilib.
Eyni zamanda, “Atrabank” ASC-nin qorunan əmanətçilərinə 14 milyon 271 min manat (ümumi kompensasiya öhdəliyinin 98,1 faizi), “Qafqaz İnkişaf Bankı” ASC-nin əmanətçilərinə 1 milyon 974 min manatdan (ümumi kompensasiya öhdəliyinin 94,4 faizi) artıq kompensasiya ödənilib. 2 bank üzrə ümumilikdə 16 milyon 245 min manatdan artıq kompensasiya ödənilib.
“Bank of Azerbaijan” ASC-nin qorunan əmanətçilərinə 24 milyon 161 min (ümumi kompensasiya öhdəliyinin 97 faizi), “Gəncəbank” ASC-nin əmanətçilərinə 976 min manat (yəni ümumi kompensasiya öhdəliyinin 94 faizi), “Texnikabank” ASC-nin əmanətçilərinə isə 120 milyon 397 min manatdan artıq (ümumi kompensasiya öhdəliyinin 98,1 faizi) kompensasiya ödənilib. 3 bank üzrə ümumilikdə 145 milyon 534 min manatdan artıq kompensasiya ödənilib.
Eyni zamanda, QSC “Bank Standard” KB-nin qorunan əmanətçilərinə 434 milyon 823 min manatdan artıq kompensasiya ödənilib. Belə ki, ümumi kompensasiya öhdəliyinin 99 faizi əmanətçilərə ödənilib.
Ümumilikdə fond tərəfindən 10 bank üzrə 723 milyon 976 min manatdan artıq kompensasiya ödənilib.
1news.az