Antarktidadan nəhəng aysberq ayrılıb

Antarktidadan indiyə qədər qeydə alınan ən böyük aysberqlərdən biri qopub.

1news.az-ın AZƏRTAC-a istinadən verdiyi xəbərə görə, nəhəng aysberqin qalınlığı 200 metrdən çox, çəkisi 1 trilyon ton, sahəsi 6 min kvadratkilometrdir. Bu, Uels ərazisinin dörddəbirinə bərabərdir.

Alimlər on ildən artıqdır ki, “Larsen C” adı verilən şelfdə çatların yaranmasını izləyiblər. 2014-cü ildən etibarən isə prosesin sürətləndiyi müşahidə olunub.

“Larsen” buzdağı indiyə qədər qeyd edilən 10 ən böyük aysberqlər sırasında yer alıb. Lakin 1956-cı qırılan və sahəsi 32 min kvadratkilometr təşkil edən aysberqin ən böyük olduğu ehtimal edilir. Həmin buz dağının sahəsi Belçika ərazisindən böyük olub.

1news.az