Qazaxıstanda 52 sərnişin avtobusda yanaraq ölüb - VİDEO

Qazaxıstanda sərnişin avtobusunda baş vermiş yanğın zamanı 52 nəfər ölüb.

1news.az  RİA-Novosti-yə istinadla xəbər verir ki, bu barədə Qazaxıstanın Fövqəladə Hallar üzrə Komitəsindən məlumat verilib.

Məlumata görə, 5 nəfər avtobusdan çıxaraq xilas ola bilib və onlara tibbi yardım göstərilib.

Hadisə bu gün səhər saatlarında Samara-Çimkənd avtomobil yolunda baş verib. Ölənlərin hamısının Özbəkistan vətəndaşı olduğu bildirilir. 

Avtobusda 55 sərnişin, iki sürücü olub. Hazırda hadisə yerində xilasedicilər, polis və tibb işçiləri çalışır. Yanğının başvermə səbəbləri araşdırılır.

P.Sultanova