1news.az-ın müxbiri “Rəqəmsal Jurnalistikaya doğru” proqramının qalibi olub - FOTO | 1news.az | Xəbərlər
Cəmiyyət

1news.az-ın müxbiri “Rəqəmsal Jurnalistikaya doğru” proqramının qalibi olub - FOTO

S.Xankişiyeva12:29 - 30 / 07 / 2021
1news.az-ın müxbiri “Rəqəmsal Jurnalistikaya doğru” proqramının qalibi olub - FOTO

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzinin (EHİM) təşkilatçılığı və “PAŞA Holdinq”in sponsorluğu ilə həyata keçirilən 3-cü “Rəqəmsal Jurnalistikaya doğru” proqramına yekun vurulub.

Proqramın bağlanış mərasimində Dövlət Agentliyinin sədri Ülvi Mehdiyev, EHİM-in direktoru Fariz Cəfərov, proqram iştirakçıları və digər media nümayəndələri iştirak ediblər.

1news.az-ın verdiyi xəbərə görə, Dövlət Agentliyinin sədri Ülvi Mehdiyev “Rəqəmsal Jurnalistikaya doğru” proqramı çərçivəsində 110-a yaxın media nümayəndəsinin maarifləndirildiyini və serifikatlarla təltif edildiyini vurğulayıb. Həmçinin proqramın mediaya və onların xətti ilə cəmiyyətin maariflənməsinə verdiyi töhfə, bu cür sosial məsuliyyət layihələrinin inkişafa gedən yolda önəmi vurğulanıb.

Tədbirdə proqramın birinci hissəsi çərçivəsində təşkil olunan vörkşopları və iştirakçıların proqram haqqında fikirlərini əks etdirən videoçarx nümayiş olunub.

Sonra proqram çərçivəsində həyata keçirilən müsabiqənin qalibləri elan ediliblər. Müsabiqə üzrə birinci yeri "news24.az" xəbər saytının müxbiri Məhərrəm Əliyev, ikinci yeri "1news.az" İnformasiya Agentliyinin müxbiri Qafar Ağayev, üçüncü yeri isə “Azərbaycan” qəzetinin müxbiri Aydan Xəlilova tutublar.

Qaliblər müvafiq olaraq 1000 AZN, 700 AZN və 500 AZN pul mükafatı ilə təltif olunublar.

Bununla yanaşı, proqramı müvəffəqiyyətlə bitirən bütün iştirakçılar EHİM tərəfindən sertifikat və hədiyyələrlə təltif olunublar. Tədbirin sonunda iştirakçılar üçün EHİM-in inzibati binasında media-tur təşkil olunub və Mərkəzin struktur və bölmələrinin fəaliyyəti haqqında ətraflı məlumat verilib.

“Rəqəmsal Jurnalistikaya doğru” proqramının əsas məqsədi media nümayəndələrini elektron dövlət xidmətləri, rəqəmsal həllər haqqında məlumatlandırmaq və onların vasitəsilə də cəmiyyətin bu istiqamətdə rəqəmsal savadlılığının artırılmasına nail olmaqdır.

Xatırladaq ki, 1-ci və 2-ci “Rəqəmsal Jurnalistikaya doğru” proqramı 2020-ci ildə keçirilib və böyük marağa səbəb olub.

Paylaş:
2832

Son xəbərlər

Xudatda narkotik dövriyəsində şübhəli bilinən 2 nəfər saxlanılıbBu gün, 18:04Ahıl və tənha vətəndaşlara qarşı yarım milyon manata yaxın dələduzluq edilibBu gün, 17:41Bakının Xocalı prospekti istiqamətində yol hərəkəti yenidən təşkil edilirBu gün, 17:22Monteneqro futbol millisinin qapıçısı 26 yaşında ölübBu gün, 17:01İsmayıllıda cücələrə su verən qadını elektrik cərəyanı vuraraq öldürübBu gün, 16:39Azərbaycan beynəlxalq axtarışda olan şəxsi Avstriyaya təhvil veribBu gün, 16:16Kənan Quluzadə: “COP29 çərçivəsində turistlər üçün 15 fərqli istiqamət təqdim olunacaq”Bu gün, 16:02Bu il iyunun 15-nə qədər “Şahdağ”dakı hotellərdə qalan turistlərin sayı açıqlandıBu gün, 15:55Kənan Quluzadə: 2024-cü ilin ilk 5 ayında ölkəyə gələn turistlərin sayında 35 faiz artım olubBu gün, 15:33Hakan Fidandan Azərbaycanla bağlı paylaşım edibBu gün, 15:27Azərbaycanda əczaçılıq məhsullarının istehsalı 30% artıbBu gün, 14:55Lənkəranda avtomobil su kanalına aşıb, 3 nəfər xəsarət alıbBu gün, 14:33Azad olunmuş ərazilərdə növbəti dəfə silah-sursat aşkar olunubBu gün, 14:16Tanınmış türk ilahiyyatçı vəfat edibBu gün, 13:59Gəncədə 14 yaşlı qızın nişanlanması ilə bağlı araşdırma başlanılıb - YENİLƏNİBBu gün, 13:45Ağdaşda lotereya biletləri oğurlayan keçmiş məhkum saxlanılıbBu gün, 13:32Kamaləddin Qafarov: “Azərbaycan bu gün qüdrətli bir dövlətə çevrilib”Bu gün, 13:01Sabahın hava proqnozuBu gün, 12:41Azərbaycan neftinin qiyməti 84 dolları keçibBu gün, 12:27Səfir: “Dəmirağacı parkı”ndan danışmaq mənə böyük şərəf hissi verirBu gün, 12:16
Bütün xəbərlər