İran yük maşınları Qarabağa qanunsuz yük daşıyır - FAKTLAR | 1news.az | Xəbərlər
Siyasət

İran yük maşınları Qarabağa qanunsuz yük daşıyır - FAKTLAR

S.Xankişiyeva16:00 - 11 / 09 / 2021
İran yük maşınları Qarabağa qanunsuz yük daşıyır - FAKTLAR

Bu ilin avqustunda Azərbaycan rəsmi Bakının icazəsi olmadan Rusiya sülhməramlılarının müvəqqəti yerləşdirildiyi bölgələrə çoxlu sayda İran yük maşınının daxil olması barədə məlumatlar əldə etmişdi.

Məlum olmuşdu ki, 11 iyul - 8 avqust tarixlərində 35 İran avtomobili 70 dəfə Laçın dəhlizi vasitəsilə giriş-çıxış həyata keçirib.

1news.az-ın Trend-ə istinadla verdiyi xəbərə görə, Bununla əlaqədar, avqustun 11-də İranın Azərbaycandakı səfiri Seyid Abbas Musəvi Xarici İşlər Nazirliyinə çağırılmış və Azərbaycan tərəfinin narahatlığının ifadə olunduğu nota ona təqdim edilmişdi.

Həmin müddətdən bir ay vaxt keçməsinə baxmayaraq, rəsmi Bakının etirazlarının cavabsız qaldığı üzə çıxıb.

İran yük maşınlarının Azərbaycanın Qarabağ bölgəsinə qanunsuz daxil olmasının davam etdiyi məlum olur. Belə ki, avqustun 11-dən sentyabrın 10-dək Xankəndiyə müxtəlif təyinatlı, əsasən yanacaq-sürtkü materialları daşıyan 58 yük maşını daxil olub. Bunlardan 55-i oranı daha sonra tərk edib.

Bundan başqa, əldə olunan məlumatlara görə, iranlılar və ermənilər müxtəlif hiylələrə əl atırlar. Onlar rusiyalı sülhməramlıların yerləşdirildiyi zonalara çatdıqdan sonra İran maşınlarına erməni qeydiyyat nömrələri yerləşdirirlər.

Bununla bağlı, təkzibolunmaz faktlar, fotogörüntülər mövcuddur. Qeyd etmək lazımdır ki, İrandan Qarabağa qanunsuz daşımalar rəsmi Bakının dəfələrlə müasir videomüşahidə sistemlərinə malik olması ilə bağlı xəbərdarlıqlarına baxmayaraq, həyata keçirilib.

Bu baxımdan, İranın Ermənistandakı səfiri Abbas Bədəxşan Zohurinin sərhədyanı bölgəyə səfərini xatırlatmaq yerinə düşər. Həmin vaxt səfir sərhədyanı insidentlərdən narahatlığını bildirmiş və binokl vasitəsilə Azərbaycanın mövqelərini müşahidə etmişdi.

Bu kontekstdə Rusiya sülhməramlılarının davranışı da diqqətdən kənarda qalmır. Axı, ermənilərin və iranlıların hərəkətləri onların gözü qarşısında baş verir. Belə çıxır ki, onlar Laçın dəhlizində vəziyyətə nəzarət edə bilmir, ya da böyük ehtimalla, bütün bunlar onların susqun razılığı ilə baş verir...

Müşahidələr nəticəsində məlum olub ki, 11 iyul - 8 avqust tarixlərində 20 minə yaxın şəxs Xankəndini tərk edib və yalnız 15 min nəfər daxil olub. Sülhməramlılar bunu çox gözəl başa düşür ki, onların məsuliyyət zonası boşalacağı təqdirdə Qarabağda sülhməramlı kontingentin qalmasının məqsədəuyğunluğu sual altına düşəcək.

Azərbaycan tərəfi bütün bunları görür, sənədləşdirir və müvafq nəticələr çıxarır. İran tərəfinə təkzibi mümkün omayan konkret faktlar təqdim olunub. İran şirkətlərinin Şuşada Gövhər Ağa məscidinin qanunsuz təmiri və onu Azərbaycan məscidindən İran məscidinə çevirmək cəhdlərinin, Tehranın isə bunu təkzib etməsinin vaxtı artıq bitib. Bu gün hər şey göz qabağındadır. İran Azərbaycan xalqının qarşısında hansı cavabı verəcək?

Paylaş:
158

Son xəbərlər

Azərbaycan və Ukraynanın gənclər təşkilatları birgə memorandum imzaladılar - FOTOBu gün, 19:10Dolların oktyabrın 25-nə olan rəsmi məzənnəsi açıqlanıbBu gün, 18:21“Karabakh Center” “Rebuild Karabakh” sərgisində - Qarabağda törədilən erməni vandallığı ilə nümayiş olundu - FOTOBu gün, 17:54Fil balasını yemək istəyən timsahı öldürdü - VİDEOBu gün, 17:50Şəhid, Vətən Müharibəsi qəhrəmanı polkovnik leytenant Qasımov Ramizin xatirə gecəsi keçirilib - FOTOBu gün, 17:39Naxçıvanın turizm potensialı mediatur çərçivəsində nümayiş olunubBu gün, 17:36Azərbaycan-İran sərhədinin azad olunan hissəsində aşkarlanan minaların sayı açıqlanıb - FOTOBu gün, 17:14Sumqayıtda peyvənd olunmayan taksi sürücüləri cərimələnib – FOTO – VİDEOBu gün, 16:50Azərbaycana xüsusi təlim keçmiş iki minaaxtaran it gətirilibBu gün, 16:38Azad olunan rayonlarda yeni inşa edilən hərbi obyektlər istifadəyə – FOTO – VİDEOBu gün, 16:26Prezident İlham Əliyev Macarıstanın dövlət başçısını təbrik edibBu gün, 15:51"Bizim olanı sülhlə istədik, alınmadı silahla aldıq"-Deputat Prezidentin tarixi səfərlərindən danışdıBu gün, 15:43“Şuşa Zülmətdən İşığa” - “Azərişıq” filmi hazırladı - VİDEOBu gün, 15:38Bakı sakinləri eyvanlarından Prezident İlham Əliyev və birinci xanımı salamlayıblar – FOTOBu gün, 15:32Ağdam Dram Teatrının və Füzulidəki “Araz” nəşriyyatının binaları konservasiya olunacaqBu gün, 15:17Bakıda DOST İnklüziv İnkişaf və Yaradıcılıq Mərkəzinin açılışı olub – FOTO – YENİLƏNİBBu gün, 15:11Ərdoğan: Türk dünyası beynəlxalq medianın ikili standartından da əziyyət çəkirBu gün, 15:09Şəhidlərimiz Azərbaycanın qəhrəmanlıq tarixini yenidən yazdılar - Şəhid Xudayarın anasıBu gün, 14:30Prezident və xanımı Milli Gimnastika Arenasının yeni məşq binasında yaradılan şəraitlə tanış olublar – FOTO – YENİLƏNİBBu gün, 14:22Şəhid general Polad Həşimov “Avrasiyaya Hizmət Ödülü”nə layiq görülüb – FOTOBu gün, 14:18
Bütün xəbərlər

Next TV