Levandovski 2021-ci ilin ən yaxşı futbolçusu seçilib

Almaniyanın "Bavariya" klubu və Polşa yığmasının hücumçusu Robert Levandovski Beynəlxalq Futbol Federasiyasının (FİFA) versiyasına görə 2021-ci ilin ən yaxşı futbolçusu seçilib.

1news.az-ın məlumatına görə, mükafatlandırma mərasimi təşkilatın mənzil-qərargahında onlayn-formatda keçirilib.

Qeyd edək ki, ötən il "Bavariya"nın heyətində R.Levandovski Almaniya Bundesliqasının və ölkə Super Kubokunun qalibi olub.

İlin ən yaxşı qadın futbolçusu adını isə Aleksiya Puteyas (İspaniya/“Barselona”) qazanıb.

1news.az